Kasara Accident : दैव बलवत्तर म्हणून…कसारा घाटात भीषण अपघात, 40 मिनिटांनी चालकाची सुखरुप सुटका
रविंद्र सिंग आणि अमित कुमार शुक्ला हे दोघे कंटनेर घेऊन नाशिकहून मुंबईकडे सकाळी चालले होते. नवीन कसारा घाटात कंटेनर येताच चालकाचे वाहनावरील नियंत्रण सुटले आणि लतिफवाडीच्या वळणावर कंटनेर पलटी झाला. चालक आणि क्लिनर कंटेनरमध्ये अडकले होते.
कसारा : वाहनावरील नियंत्रण सुटल्याने एका टेम्पोला भीषण अपघात (Accident) झाल्याची घटना नवीन कसारा घाटात रविवारी सकाळी घडली आहे. सदर कंटेनर नाशिकहून मुंबईला जात होता. लतिफवाडीच्या वळणावर चालकाचे गाडीवरील नियंत्रण (Control) सुटले आणि कंटेनर (Container) पलटी झाला. विशेष म्हणजे दैव बलवत्तर म्हणून एवढा भीषण अपघात होऊनही चालक आणि क्लिनर दोघेही सुखरुप बचावले. तब्बल 40 मिनिटांनी कंटेनरमध्ये अडकलेल्या चालकाची सुखरुप सुटका करण्यात आली. चालकाच्या पायला गंभीर जखम झाली असून क्लिनर किरकोळ जखमी झाला आहे. घटनेची माहिती मिळताच पोलिसांनी तात्काळ घटनास्थळी धाव घेत बचाव कार्य सुरु केले. रविंद्र सिंग असे चालकाचे तर अमित कुमार शुक्ला असे क्लिनरचे नाव आहे.
आपत्ती व्यवस्थापनने शर्थीचे प्रयत्न करुन चालकाला बाहेर काढले
रविंद्र सिंग आणि अमित कुमार शुक्ला हे दोघे कंटनेर घेऊन नाशिकहून मुंबईकडे सकाळी चालले होते. नवीन कसारा घाटात कंटेनर येताच चालकाचे वाहनावरील नियंत्रण सुटले आणि लतिफवाडीच्या वळणावर कंटनेर पलटी झाला. चालक आणि क्लिनर कंटेनरमध्ये अडकले होते. अपघाताची माहिती मिळताच कसारा घाट महामार्ग पोलीस घटनास्थळी दाखल झाले. त्यानंतर पोलिसांनी आपत्ती व्यवस्थापन टीमशी संपर्क साधला. आपत्ती व्यवस्थापन टीमही तात्काळ घटनास्थळी दाखल झाली. त्यानंतर आपत्ती व्यवस्थापनने 40 मिनिटे शर्थीचे प्रयत्न करत जखमी चालकाला बाहेर काढले. चालकाला उपचारासाठी इगतपुरी ग्रामीण रुग्णालयात दाखल करण्यात आले. (Serious accident to container in Kasara Ghat, safe rescue of driver after 40 minutes)
