14 वर्षांच्या चुलत भावासोबत आईला नको त्या अवस्थेत पाहिलं, दहा वर्षांच्या चिमुरड्याची हत्या
राजस्थानमधील जैसलमेर जिल्ह्यात अल्पवयीन मुलाच्या हत्येप्रकरणी 24 वर्षीय महिलेला अटक करण्यात आली असून एका 14 वर्षीय मुलाला ताब्यात घेण्यात आले आहे, असे पोलिसांनी सांगितले.
जैसलमेर : नातेसंबंधांची अक्षरशः चिरफाड करणारी धक्कादायक घटना राजस्थानमध्ये समोर आली आहे. 24 वर्षांच्या महिलेने आपल्या पोटच्या गोळ्याची हत्या (Son Murder) केली. या चिमुरड्याचा दोष इतकाच की त्याने आपल्या आईची थेरं उघड्या डोळ्यांनी पाहिली. 24 वर्षांच्या महिलेचे 14 वर्षांच्या अल्पवयीन मुलासोबत विवाहबाह्य संबंध (Extra Marital Affair) होते. दोघेही एकमेकांचे नातेवाईक होते. महिलेच्या दहा वर्षांच्या मुलाने दोघा जणांना नको त्या अवस्थेत रंगेहाथ पाहिले. चुलत भाऊ आणि आई यांना अनैतिक संबंध ठेवताना पाहून बालक अवाक झाला. मुलगा आपल्या विषयी नवऱ्याला आणि कुटुंबीयांना सांगेल, ही भीती विवाहितेच्या मनात दाटून आली. त्यामुळे घाबरुन तिने सख्ख्या मुलाचीच हत्या केल्याचा आरोप आहे. राजस्थानमधील जैसलमेरमध्ये (Jaisalmer Rajasthan) हा अंगाचा थरकाप उडवणारा प्रकार उघडकीस आला आहे.
काय आहे प्रकरण?
राजस्थानमधील जैसलमेर जिल्ह्यात अल्पवयीन मुलाच्या हत्येप्रकरणी 24 वर्षीय महिलेला अटक करण्यात आली असून एका 14 वर्षीय मुलाला ताब्यात घेण्यात आले आहे, असे पोलिसांनी सांगितले. महिलेच्या 10 वर्षांच्या मुलाने 9 फेब्रुवारी रोजी त्याची आई आणि त्याच्या 14 वर्षांच्या चुलत भावाला नको त्या अवस्थेत पाहिले होते, असे पोलिसांनी सांगितले.
बोभाटा होण्याच्या भीतीने हत्या
आपला मुलगा त्याच्या वडिलांसह घरातील इतर सदस्यांना आपल्या अनैतिक संबंधांविषयी सांगेल, या भीतीने महिलेने आणि अल्पवयीन मुलाने दहा वर्षांच्या बालकाचा खून केला. त्यानंतर त्याचा मृतदेह शेजारच्या विहिरीत टाकला, असेही पोलिसांनी सांगितले. 10 फेब्रुवारीला सकाळी त्याचा मृतदेह सापडला.
महिलेला अटक, पुतण्या ताब्यात
संशयाच्या आधारे पोलिसांनी महिला आणि तिच्या पतीच्या पुतण्याला ताब्यात घेतले. जैसलमेरच्या सर्कल ऑफिसर प्रियंका यादव यांनी सांगितले की, चौकशीदरम्यान, या दोघांचे अनैतिक संबंध असल्याचे समोर आले. महिलेच्या मुलाने दोघांनाही शारीरिक संबंध ठेवताना पाहिले होते, त्यानंतर त्यांनी मुलाची हत्या केली, असेही तपासात उघड झाले. महिलेला अटक करण्यात आली आहे, तर अल्पवयीन मुलाला हत्ये प्रकरणी ताब्यात घेण्यात आले आहे.
संबंधित बातम्या :
अनैतिक संबंधांचा संशय, बाईकवर बसवून मनमाड रोडवर नेलं, तरुणाकडून मेव्हण्याची हत्या
मेहुणीला लग्नाचं वचन, बायकोचा मर्डर, महिला पोलिसांशी अनैतिक संबंध, स्त्रीलंपट नवऱ्याला अटक