काय घडलं ‘त्या’ खोलीत?, तो शांत झोपला, पुन्हा उठलाच नाही… ती रात्र काळरात्र ठरली
उत्तर प्रदेशातील मथुरा येथे अत्यंत धक्कादायक घटना घडली आहे. पत्नीनेच पतीचा गळा दाबून आत्महत्येचा बनाव रचल्याचं उघडकीस आलं आहे. पण पोलिसांनी पोलीसी खाक्या दाखवताच पाच दिवसानंतर संपूर्ण प्रकारावर पडदा पडला.
मथुरा : उत्तर प्रदेशातील मथुरा येथे हृदयाचा काप उडवणारी धक्कादायक घटना घडली आहे. पत्नीने प्रियकराच्या साथीने पतीचा काढा काढल्याची घटना घडली आहे. पतीचा खून करूनच ती थांबली नाही. तर तिने चक्क पतीच्या मृतदेहसोबत झोपून अख्खी रात्र काढली. कुणालाही संशय होऊ नये म्हणून तिने ही शक्कल लढवली. पण कायद्याच्या कचाट्यातून कोणीच सुटत नाही, तसंच तिचं झालं. अखेर ती पोलिसांच्या जाळ्यात आली आणि आता तुरुंगात कर्माची फळं भोगत आहे.
3 मे रोजी ही धक्कादायक घटना घडली. मथुराच्या नगर पोलीस ठाण्याच्या हद्दीतील ही घटना आहे. मृत व्यक्तीच्या पत्नीने प्रियकराच्या साथीने त्याची हत्या केल्याचं पोलिसांनी सांगितलं. पती आपल्या प्रेमाच्या वाटेत अडसर बनला होता. त्यामुळेच तिने पतीलाच मार्गातून कायमचा दूर करण्याचा डाव आखला. तिने प्रियकराच्या साथीने नवऱ्याची हत्या केली. नवऱ्याचा गळा दाबून त्याला ठार मारले. त्यानंतर रात्रभर नवऱ्याच्या मृतदेहासोबत झोपली. सकाळी उठून तिने ही हत्या आत्महत्या असल्याचं भासवण्याचा प्रयत्न केला. पण पाच दिवसानंतर हत्येचा खुलासा झाला आणि मारेकरी पत्नीचा खेळ खल्लास झाला.
गळ्यात दुपट्टा टाकला
सकाळी उठल्यावर पत्नीने पतीच्या गळ्यात दुपट्टा टाकला. त्याने आत्महत्या केली असं समजावं असा तिचा प्रयत्न होता. पोलिसांनाही संशय होऊ नये म्हणून तिने हा बनाव रचला. त्यानंतर पतीच्या मृत्यूचा धक्का बसल्याचं दाखवण्यासाठी छाती जोरजोरात पिटत ती रडू लागली. पण पहिल्याच दिवशी मृतक व्यक्तीची पत्नी नीतू सैनी (वय 25) च्या हालचाली, बोलणं, वागणं पोलिसांना संदिग्ध वाटलं. तिच्या बोलण्यातही एक वाक्यता नव्हती. त्यामुळेच पोलिसांनी आत्महत्येऐवजी हत्येचा गुन्हा दाखल केला.
पोस्टमार्टममधून पोलखोल
मृतदेह पोस्टमार्टमला पाठवलं. त्यानंतर जे कारण समोर आलं त्याने पोलीसही चक्रावून गेले. पोस्टमार्टम रिपोर्टमध्ये मृत व्यक्तीची गळा दाबून हत्या केल्याचं स्पष्ट झालं. त्यामुळे पोलिसांनी नीतूला ताब्यात घेऊन पोलिसी खाक्या दाखवताच नीतू पोपटा सारखी बोलली. तिने सर्व प्रकार सांगत पोलिसांची गयावया करण्यास सुरुवात केली. पोलिसांनी तिला आणि तिच्या प्रियकराला अटक केली. दोघांनाही कोर्टासमोर हजर केलं आणि दोघांची रवानगी तुरुंगात करण्यात आली आहे.