मदरशांमध्ये ड्रेस कोड लागू होणार, NCERT ची पुस्तक असणार, कुर्ता पायजमा होणार बंद!
पुढील वर्षापासून राज्यातील वक्फ बोर्डाच्या अखत्यारीतील सर्व 103 मदरशांमध्ये ड्रेस कोड लागू करण्यात येणार आहे.
उत्तराखंडमधील मदरशांच्या आधुनिकीकरणाच्या मार्गात लवकरच नवी पावले उचलली जात आहेत. इथे मदरशांमध्ये शिक्षण घेणाऱ्या विद्यार्थ्यांसाठी ड्रेस कोड लागू केला जात आहे. आता या विद्यार्थ्यांना कुर्ता-पायजमा घालून मदरशात शिकायला जाता येणार नाही. कारण, पुढील वर्षापासून राज्यातील वक्फ बोर्डाच्या अखत्यारीतील सर्व 103 मदरशांमध्ये ड्रेस कोड लागू करण्यात येणार आहे. त्याचबरोबर वक्फ बोर्डाचे अध्यक्ष शादाब शम्स यांनी यासाठी प्रस्ताव तयार करण्यात येत असल्याचे सांगितले. लवकरात लवकर याची अंमलबजावणी करण्यासाठी प्रयत्न केले जाणारेत.
खरं तर राज्यातील 103 मदरशांमध्ये ड्रेस कोड लागू करण्यात येणार आहे. याशिवाय एनसीईआरटीची पुस्तकेही सर्व मदरशांमध्ये राबविण्यात येणार आहेत. उत्तराखंडमध्ये वक्फ बोर्डाच्या अखत्यारीत १०३ मदरसे आहेत.
त्याचबरोबर मॉडर्न स्कूलच्या धर्तीवर मदरसे चालविण्याचीही तयारी सुरू असल्याचे शादाब शम्स यांनी सांगितले. पहिल्या टप्प्यात सात मदरशांमध्ये ड्रेस कोड लागू करण्यात येणार असून, त्यात दोन देहराडून, दोन उधमसिंह नगर, दोन हरिद्वार आणि एक नैनीताल मध्ये मदरसे ड्रेस कोड लागू करणार आहेत.
मदरशांच्या मुलांना सरकारकडून गणवेश दिला जाईल किंवा विद्यार्थ्यांना स्वत:च खरेदी करावी लागेल ही माहिती अद्याप देण्यात आलेली नाही.
त्याचबरोबर राज्यातील मदरशांमध्ये ड्रेसकोड लागू करण्याचा निर्णय पहिल्यांदाच घेण्यात आला आहे. जिथे या संदर्भात विद्यार्थ्यांच्या ड्रेससाठी बोर्ड लवकरच केंद्र सरकारकडे बजेटचा प्रस्ताव पाठवणार आहे.
2021 मध्ये भाजप राष्ट्रीय अल्पसंख्याक मोर्चाने उत्तराखंडचे भाजप नेते शादाब शम्स यांची पश्चिम बंगालच्या प्रभारीपदी नियुक्ती केली होती. 15 सूत्री कार्यक्रम समितीचे उपाध्यक्षपदही भाजप नेते शादाब शम्स यांच्याकडेच आहे.
वक्फ बोर्ड इस्लामी इमारती, संस्था व जमिनी यांची योग्य देखभाल, त्यांची व्यवस्था या सगळ्याची काळजी घेते. वक्फ बोर्ड हे न्यायालयीन व्यवस्थेअंतर्गत स्थापन केलेले कायदेशीर मंडळ आहे. वक्फ बोर्ड आपल्या मालमत्तेचा वापर सोयीनुसार करू शकते.