यूजीसीचा मोठा निर्णय, केंद्रीय विद्यापीठांमधील प्रवेश परीक्षा रद्द, नेमकं कारण काय?
विद्यापीठ अनुदान आयोगाने (UGC) यंदा केंद्रीय विद्यापीठांमध्ये (Central Universities) प्रवेश घेण्यासाठीची सामान्य प्रवेश परीक्षा रद्द केली आहे.
नवी दिल्ली: विद्यापीठ अनुदान आयोगाने (UGC) यंदा केंद्रीय विद्यापीठांमध्ये (Central Universities) प्रवेश घेण्यासाठीची सामान्य प्रवेश परीक्षा रद्द केली आहे. कोरोना विषाणूच्या साथीच्या पार्श्वभूमीवर यूजीसीने हा निर्णय घेतला आहे. यूजीसीने ट्विटमध्ये म्हटले आहे की शैक्षणिक सत्र 2021-22 च्या केंद्रीय विद्यापीठांमध्ये प्रवेश घेण्यासाठी कॉमन एन्ट्रन्स टेस्ट घेतली जाणार नाही. यूजीसीने रविवारी (18 जुलै) रोजी याची घोषणा केली आहे.
कोरोनामुळे प्रवेश परीक्षा रद्द
केंद्रीय विद्यापीठांतील विविध अभ्यासक्रमांच्या प्रवेशासाठी पात्र उमेदवारांच्या निवडीसाठी प्रस्तावित सेंट्रल युनिव्हर्सिटी कॉम एन्ट्रन्स टेस्ट (CUCET 2021) यंदाच्या शैक्षणिक सत्राच्या 2021-22 पासून लागू केली जाणार नाही. तसेच यावर्षीही सर्व केंद्रीय विद्यापीठांमधील प्रवेश प्रक्रिया जुन्या नियमांनुसार घेण्यात येणार आहेत. CUCET म्हणजेच प्रवेश परीक्षा पुढील शैक्षणिक सत्रापासून म्हणजेच 2022-23 पासून लागू केले जाऊ शकते.
नवीन शिक्षण धोरणांतर्गत निर्णय
केंद्रीय शिक्षण मंत्रालयाने यापूर्वी केंद्रीय विद्यापीठांमध्ये प्रवेश हे प्रवेश परीक्षेच्या आधारे होतील असं जाहीर केलं होतं. मात्र, कोरोनामुळं प्रवेशासाठीची सीईटी रद्द करण्यात आली आहे. केंद्रीय शिक्षण मंत्रालयाने राष्ट्रीय धोरण विषयक धोरण (NEP) 2020 अंतर्गत केंद्रीय विद्यापीठांमधील सर्व पदवी अभ्यासक्रमांच्या प्रवेशासाठी CUCET च्या कार्यपद्धती तपासण्यासाठी एक समिती गठीत केली होती.
In view of prevailing COVID-19 pandemic, admission process in Central Universities during Acad Session 2021-22, may continue as per past practice.
Central Universities Common Entrance Test (CUCET) may be implemented from Acad Session 2022-23. @dpradhanbjp @EduMinOfIndia @PIBHRD— UGC INDIA (@ugc_india) July 18, 2021
कोरोनामुळे सीईटी रद्द, यूजीसीची ट्विटरवरुन घोषणा
केंद्रीय विद्यापीठांमधील प्रवेशासाठीच्या प्रवेश परीक्षा रद्द करण्याचा निर्णय यूजीसीनं जाहीर केला आहे. यूजीसीनं त्यासंदर्भात एक ट्विट केलं आहे. या ट्विटमध्ये त्यांनी देशातील कोरोना विषाणू ससंर्गाचा उद्रेक पाहता प्रवेश प्रक्रिया जुन्या पद्धतीनं होईल, असं सांगितलं. तर, केंद्रीय विद्यापीठांसाठी कॉमन एंट्रान्स टेस्ट 2022-23 पासून घेतली जाईल, असं सांगण्यात आलं आहे.
इतर बातम्या:
दहावी निकालानंतरच्या पुढील वाटा: ITI चे 91 अभ्यासक्रम विद्यार्थ्यांना करतील आत्मनिर्भर
