Election Result 2022 LIVE: पाच राज्यात पहिल्या तासाभरात काय काय घडलं? वाचा 10 मोठे मुद्दे

पाच राज्यांत कोण जिरवणार? कोण मिरवणार?

Image Credit source: TV9 Marathi

पाच राज्यांच्या निवडणुकांच्या निकालाची (5 State Assembly Elections Results) उत्सुकता संपूर्ण देशाला आहे. जाणून घ्या पहिल्या तासाभराच्या मतमोजणी कुणाचा पगडा भारी आणि कोण पिछाडीवर? महत्त्वाचे TOP 10 मुद्दे :

Election Updates TOP 10 :

1. सर्वात मोठी घडामोड गोव्यात घडताना दिसतेय. गोव्यात काँग्रेस 20 जागांवर आघाडीवर आहे तर भाजपा 14 जागांवर आघाडीवर आहे.
2. गोव्यात ममता बॅनर्जीची टीएमसी 4 जागांवर आघाडीवर आहे तर केजरीवालांच्या आपला मात्र एकाही जागेवर आघाडीही घेता आलेली नाही.
3. गोव्यात दोन जागांवर इतर जण आघाडीवर आहेत, शिवसेनेला मात्र गोव्यात फार काही हाताला लागलंय असं अजून तरी दिसत नाही.
4. गोव्यात सर्वांचं लक्ष लागलेल्या उत्पल पर्रिकर यांनी पोस्टल मतदानात आधी आघाडी घेतली पण नंतर ते पिछाडीवर गेलेत. गोव्याचे मुख्यमंत्री प्रमोद सावंत मात्र आघाडीवर आहेत.
5. उत्तर प्रदेशात भाजपा दीडशेच्या घरात पण जागांचं नुकसान होताना दिसतंय, तर अखिलेश यादव यांच्या सपानं गेल्या वेळेसच्या तुलनेत चांगली आघाडी घेतलीय. त्यांनी पहिल्या तासाभरात पाऊनशे जागांचा टप्पा ओलांडला.
6. पहिल्या तासाभरात उत्तर प्रदेशात काँग्रेसला आघाडी पिछाडीच्या गणितात खातंही उघडता आलं नाही. फारशा प्रचारात न पडलेल्या मायावती यांच्या बीएसपीचे दोन उमेदवार आघाडीवर
7. पंजाबमध्ये नवज्योतसिंह सिद्धू तसच कॅप्टन अमरिंदरसिंग हे पिछाडीवर राहिले. मुख्यमंत्री चन्नी यांनी मात्र दोन्ही जागांवर आघाडी घेतली.
8. पंजाबमध्ये आपचं अर्धशतकी आघाडी तर काँग्रेस आणि अकाली दुसऱ्या तिसऱ्या क्रमांकावर आघाडी, भाजप पंजाबमध्ये फक्त 4 जागांवर आघाडी.
9. अखिलेश यादव हे आघाडीवर राहिले, योगी आदित्यनाथ यांनीही आघाडी घेतली, शिवपाल यादव मात्र पिछाडीवर गेले
10. मणिपूरमध्ये भाजपनं दणदणीत आघाडी घेतली तर काँग्रेसपेक्षा अपक्षांची संख्या मणिपूरमध्ये अधिक, ती 10 इतकी राहिली.

संबंधित बातम्या :

वाचा लाईव्ह अपडेट्स – Goa Election Result | गोव्यात कुणाची सत्ता? भाजप-काँग्रेसमध्ये काँटे की टक्कर, निकाल काही तासांत येणार!