फक्त एकच बस आहे, यायचं तर या… अंबानींच्या घरच्या लग्नातील बॉलिवूड स्टार्सचा ‘तो’ व्हिडीओ व्हायरल

मुंबई : मुकेश अंबानी यांचा मुलगा अनंत अंबानी आणि राधिक मर्चंट यांचे प्री वेडिंग फंक्शन हे गुजरातमधील जामनगर येथे सुरू आहे. या प्री वेडिंग फंक्शनची जोरदार तयारी काही महिन्यांपासून सुरू होती. फक्त देशच नाही तर विदेशातूनही पाहुणे मंडळी ही प्री वेडिंग फंक्शनसाठी पोहचलीये. या प्री वेडिंग फंक्शनबद्दल लोकांमध्ये मोठी क्रेझ ही बघायला मिळतंय. प्री वेडिंग फंक्शनसाठी खास पाहुण्याना आमंत्रण आहे. बाॅलिवूडचे जवळपास सर्वच कलाकार हे या प्री वेडिंग फंक्शनसाठी पोहचले आहेत. आता येथील काही व्हिडीओ चांगलेच व्हायरल होत आहेत.

अनंत अंबानी याच्या प्री वेडिंग फंक्शनमधील एक व्हिडीओ सध्या सोशल मीडियावर तूफान व्हायरल होताना दिसतोय. हा व्हिडीओ पाहून लोकही चांगलेच हैराण झाल्याचे बघायला मिळतंय. हेच नाही तर अनेकांनी तर बाॅलिवूड कलाकारांची खिल्ली देखील उडवल्याचे या व्हिडीओवरून दिसतंय. हे फक्त आणि फक्त मुकेश अंबानी हेच करू शकतात, असेही अनेकांनी थेट म्हटले.

व्हायरल होणाऱ्या व्हिडीओमध्ये दिसत आहे की, बाॅलिवूडचे कलाकार हे एकाच बसमधून प्रवास करण्यासाठी निघाले आहेत. कदाचित हे पहिल्यांदाच बघायला मिळतंय की, बाॅलिवूड कलाकार हे एकाच खचाखच भरलेल्या बसमधून आपल्या कुटुंबासोबत प्रवास करत आहेत. नेहमीच आलिशान गाड्यांमध्ये फिरणाऱ्या कलाकारांना असे पाहून चाहते हे मजाक उडवताना दिसत आहेत.

एकाने हा व्हिडीओ रिशेअर करत लिहिले की, मानले मुकेश अंबानी यांना…दुसऱ्याने लिहिले की, खरोखरच हे लग्नाच्या कार्यक्रमाला गेल्यासारखे वाटत आहेत, एकच बस यायचे तर या नाही तर नका…तिसऱ्याने लिहिले की, मस्त आहे हे बघायला, नेहमी लग्झरी गाड्यांमध्ये फिरणारे हे लेकरांसोबत एकाच बसमध्ये सर्वजण प्रवास करत आहेत.

अजून एकाने लिहिले की, सेलिब्रिटी: मला व्हॅनिटी व्हॅन, प्रवासासाठी कार आणि माझ्या क्रू मेंबर्ससाठी बस हवी आहे. अंबानी : बस आहे, जायचं असेल तर सांगा..या व्हायरल होणाऱ्या व्हिडीओमध्ये अनिल कपूर, रितेश देशमुख, वरुण धवन, आदित्य रॉय कपूर, सैफ अली खान, अनन्या पांडे, करीन कपूर हे कलाकार दिसत आहेत. जवळपास सर्वच कलाकार या लग्नासाठी पोहचले आहेत.