चेन्नईच्या पुरात अडकला आमीर खान, अभिनेत्याला असे केले रेस्क्यू

aamir khan

Follow us on

Aamir Khan Stuck In Chennai Flood : मिचॉन्ग  चक्रीवादामुळे चेन्नईचे मोठे नुकसान झाले आहे. अनेक भागातील रस्ते पाण्याखाली गेले आहेत. अनेक लोकं अडकून पडले आहेत. त्यांना सुरक्षित स्थळी नेण्याचं काम सुरु आहे. त्यातच बॉलीवूड अभिनेता आमिर खान देखील पूराच्या पाण्यात अडकला होता. आमीर खानला जवानांनी सुरक्षित स्थळी हलवले. सध्या सोशल मीडियावर त्याचे फोटो व्हायरल होत आहेत.

अभिनेता आमिर खान याला पाण्यातून बोटीच्या मदतीने पाण्यातून सुरक्षित स्थळी नेतानाचे फोटो ट्विटरवर शेअर केले गेले आहेत. गेल्या २४ तासांपासून अभिनेता आमिर खान पाण्यात अडकला होता. अभिनेता विष्णू विशालही त्याच्यासोबत असल्याचे वृत्त आहे. या वादळातून दोघांचीही सुटका करण्यात आली आहे.

विष्णू विशालने स्वतः आपल्या X अकाउंटवर काही फोटो शेअर करून ही माहिती दिली आहे. फोटोंमध्ये विष्णू विशाल, आमिर खान आणि बचाव विभागाचे जवान एकत्र दिसत आहे. ही पोस्ट शेअर करताना विशालने त्याच्या कॅप्शनमध्ये लिहिले आहे की, आमच्यासारख्या अडकलेल्या लोकांना मदत केल्याबद्दल अग्निशमन आणि बचाव विभागाचे आभार… आणि सर्व प्रशासकीय लोकांचेही आभार जे सतत काम करत आहेत.

आमिर खान शेवटचा ‘लाल सिंह चड्ढा’ चित्रपटात दिसला होता. या चित्रपटात आमिरसोबत करीना कपूर दिसली होती.  या चित्रपटाने बॉक्स ऑफिसवर खूपच खराब कामगिरी केली, त्यानंतर अभिनेत्याने काही काळ अभिनयातून ब्रेक घेतला.