Abdu Rozik याच्या अडचणीत मोठी वाढ; गायकाविरोधात मुंबई पोलिसांत तक्रार दाखल!

मुंबई : ‘बिग बॉस 16’ फेम अब्दु रोझिक (abdu rozik) कायम कोणत्या न कोणत्या कारणामुळे चर्चेत असतो. बिग बॉसनंतर अब्दुच्या लोकप्रियतेत देखील मोठी वाढ झाली आहे. सोशल मीडियावर देखील अब्दुचे अनेक फोटो आणि व्हिडीओ व्हायरल होत असतात. नुकताच अब्दु याने मुंबई येथील अंधेरी याठिकाणी स्वतःचा हॉटेल सुरु केला आहे. (abdu rozik restaurant) अब्दुच्या हॉटेलमध्ये फराह खान, सोनू सूद, अर्चना गौतम आणि साजिद खान यांसारख्या अनेक सेलिब्रिटींनी हजेरी लावली आहे. पण आता अब्दु वादाच्या भोवऱ्यात अडकला आहे. सध्या अब्दुचा एक व्हिडीओ सोशल मीडियावर तुफान व्हायरल होत आहे. व्हिडीओमध्ये अब्दु बंदूक लोड करताना दिसत आहे. व्हिडीओ व्हायरल झाल्यानंतर नेटकऱ्यांनी अनेक प्रश्न उपस्थित केले आहेत. शिवाय मुंबई पोलिसांत देखील तक्रार दाखल करण्यात आली आहे.

गोल्डन बॉईजच्या बॉडीगार्डनी अब्दू रोजिकच्या हातात बंदूक दिली होती. गोल्डन बॉईज सनी नानासाहेब वाघचोरे आणि सनी गुर्जर हे देखील अब्दु रोजिकच्या रेस्टॉरंटमध्ये आले होते. मीडिया रिपोर्ट्सनुसार, त्यांच्या बॉडीगार्डने ही बंदूक अब्दू रोजिकला दिली होती. बॉडीगार्डकडे पिस्तूल ठेवण्याचा परवाना असला तरी. मात्र अब्दू रोजिकच्या हातात पिस्तूल पाहून लोकांनी प्रश्न उपस्थित केले आहेत.

एवढंच नाही तर, जर त्याठिकाणी उपस्थित असलेल्यांपैकी कोणाला गोळी लागली असती तर… असं देखील पोलिसांत तक्रार दाखल करण्यात  आलं आहे.. महत्त्वाचं म्हणजे ओशिवरा येथील अब्दुच्या रेस्टॉरंटमध्ये अनेक सेलेब्स उपस्थित होते. मिळालेल्या माहितीनुसार, पोलिसांनी अब्दु विरोधात तक्रार दाखल केली आहे. (mumbai police complaint against abdu rozik)

वाजाच्या भोवऱ्यात अडकलेल्या अब्दुच्या चर्चा सध्या सर्वत्र तुफान रंगत आहेत. पण आतापर्यंत याप्रकरणी अब्दु रोझिक आणि त्याच्या टीमकडून कोणत्याही प्रकारची प्रतिक्रिया आलेली नाही. तर सोशल मीडियावर नेटकरी संताप व्यक्त करत आहेत. एक नेटकरी म्हणाला, ‘गोल्डन बॉडीजच्या बॉडीगार्डचा परवाना रद्द करण्यात यावा.” तर दुसर्‍या नेटकऱ्याने कठोर कारवाईची मागणी केली आहे.

अब्दु रोझिक ‘लाँग सन शॉर्ट सन’ शो सुरू करणार

अब्दु रोझिकबद्दल याच्या आगामी प्रोजेक्टबद्दल सांगायचं झालं तर, गायक लवकरच साजिद खानसोबत ‘लाँग सन शॉर्ट सन’ हा शो सुरू करण्याची शक्यता आहे.पण त्याचा शो टीव्हीवर सुरू होणार की ओटीटी प्लॅटफॉर्मवर हे अद्याप स्पष्ट झालेलं नाही.