मसाबा गुप्ता लोकांच्या निशाण्यावर, थेट म्हणाली, माझ्याकडे त्यावेळी स्वयंपाक…
मसाबा गुप्ता ही सध्या चांगलीच चर्चेत आल्याचे बघायला मिळतंय. मसाबा गुप्ताची सोशल मीडियावर मोठी फॅन फॉलोइंगही बघायला मिळते. विशेष म्हणजे मसाबा गुप्ता हे फॅशन जगतातील अत्यंत मोठे नाव आहे. मसाबा गुप्ता हिने नुकताच एक मोठा खुलासा केलाय. ज्याची जोरदार चर्चा सुरू आहे.
सेलिब्रिटी फॅशन डिझायनर मसाबा गुप्ता ही सध्या चांगलीच चर्चेत आहे. आता लवकरच ती आपल्या पहिल्या बाळाचे स्वागत करणार आहे. आता नुकताच मसाबा गुप्ता हिने अत्यंत मोठा खुलासा केलाय. मसाबा गुप्ता हिचे बोलणे ऐकून लोक तिला चांगलेच खडेबोल सुनावताना दिसत आहेत. मसाबा गुप्ता हिने कोरोनाच्या काळात काय घडले हेच थेट सांगून टाकले आहे. मात्र, मसाबा गुप्ता हिचे हे बोलणे लोकांना अजिबातच आवडले नसल्याचे स्पष्ट दिसत आहे. मसाबा गुप्ता म्हणाली की, कोरोनाच्या काळात स्वयंपाक बनवणाऱ्या महिलेला पैसे देण्यासही तिच्याकडे नव्हते.
मसाबा गुप्ता मुलाखतीमध्ये म्हणाली, 2020 मध्ये कोरोना आला आणि तोच काळ माझ्या आयुष्यातील सर्वाधिक वाईट काळ ठरला. त्यावेळी माझ्याकडे स्वयंपाक तयार करणाऱ्या लेडीजला देण्यासाठी 12.000 रूपये देखील नव्हते. इतके जास्त वाईट दिवस त्यावेळी होते. मार्च 2020 मध्ये ज्यावेळी लॉकडाऊन लागले, त्यावेळी वाटले की हे दोन तीन दिवसांची गोष्ट असेल.
ते लॉकडाऊन 14 दिवसांसाठी पुढे ढकलण्यात आले. त्या 14 दिवसांमध्ये माझे आयुष्य पूर्णपणे बदलून गेले. मसाबा हिने पुढे सांगितले की, त्यावेळी माझ्या बॅंक अकाऊंटमध्ये फक्त दोन लाख रूपये होते. मसाबाने पुढे म्हटले की, त्यावेळी मी पतीसोबत गोव्यात अडकले होते. माझ्या बिझनेस हेडने फोन करून सांगितले की, आता त्याच्याकडे पैसे नाहीत.
त्यावेळी त्याने म्हटले होते की, मार्चच्या शेवटी एप्रिलाच्या पहिल्या आठवड्यात सर्वकाही व्यवस्थित होऊ शकते. त्याने पुढे म्हटले होते की, माझ्याकडील सर्व पैसे संपले आहेत आता काहीच पैसे शिल्लक नाहीत, सर्वकाही संपले…कोणीच काहीही खरेदी करत नाहीये. त्यावेळी फॅशन व्यवसाय पूर्णपणे ठप्प झाला होता.
आता मसाबा गुप्ता हिने केलेले हे विधान लोकांना आवडत नसल्याचे दिसत आहे. मसाबा गुप्ता हिला खडेबोल सुनावत एकाने लिहिले की, 12.000 रूपयांमध्ये घरातील सर्व किराना भरला जाऊ शकतो. कोरोनामध्ये तू जेवण तयार करण्यास तरी शिकायला हवे होते. लोकांकडे एक वेळेचे जेवण करण्यासही अजिबात पैसे नव्हते. लोक मसाबा हिच्यावर जोरदार टीका करताना दिसत आहेत.