रिकव्हर होत आहे…, लग्नाच्या 1 महिन्यानंतर सोनाक्षीची लक्षवेधी पोस्ट, कशी आहे अभिनेत्रीची प्रकृती?

अभिनेता झहीर इक्बाल आणि अभिनेत्री सोनाक्षी सिन्हा यांच्या लग्नाला एक महिना पूर्ण झाला आहे. गेल्या महिन्यात 23 जून रोजी दोघांनी रजिस्टर्ड पद्धतीत लग्न केलं. लग्नानंतर दोघांनी सोशल मीडियावर अनेक फोटो आणि व्हिडीओ देखील पोस्ट केले. दरम्यान, सोशल मीडियावर झहीर – सोनाक्षी यांच्या लग्नात उपस्थित राहिलेल्या पाहुण्यांचे देखील अनेक फोटो आणि व्हिडीओ व्हायरल झाले. पण लग्नाच्या 1 महिन्यानंतर सोनाक्षी आणि झहीर यांनी पोस्ट केलेल्या फोटोंची अधिक चर्चा रंगली आहे. शिवाय फोटो पोस्ट करत लक्षवेधी कॅप्शन लिहिलं आहे…

फोटो पोस्ट करत अभिनेत्री म्हणाली, ‘लग्नात प्रचंड धावरळ झाली. त्यामुळे मी आता रिकव्हर होत आहेत.’ पुन्हा उत्साह निर्माण करण्यासाठी अभिनेत्री डिटॉक्स ट्रीटमेंटची मदत घेतली आहे. सोनाक्षीने 10 फोटो पोस्ट केले आहेत. फोटोत अभिनेत्री नवऱ्यासोबत खास क्षण व्यतीत करताना देखील दिसत आहे. लग्नानंतर फिलिपिन्स येथील एका निसर्गाच्या सानिध्यात असलेल्या फार्ममध्ये गेले होते.

फोटो पोस्ट करत अभिनेत्री म्हणाला, ‘आम्ही आमच्या लग्नाच्या एका महिन्याचा आनंद अशा ठिकाणी साजरा केला. ज्याची आम्हाला गरज होती. रिकव्हर होत आहे… ही कोणती जाहिरात नाही किंवा कोणी आम्हाला पोस्ट करण्यासाठी सांगितलं नाही. पण फिलीपिन्समधील फार्मबद्दलच्या आश्चर्यकारक गोष्टी शेअर करण्यास मी स्वतःला थांबवू शकत नाही..’

‘एका आठवड्यात त्यांनी आम्हाला शिकवलं आरोग्य म्हणजे काय… स्वतःच्या शरीराचं ऐका आणि मनाची काळजी घ्या… निसर्गाच्या सानिध्यात राहाणे, योग्य वेळी जेवण… वेळेवर आरम करणे… डिटॉक्स उपचार आणि मसाज… प्रचंड उत्साह आणि आनंद वाटत आहे…’

पोस्टमध्ये पुढे सोनाक्षी हिने सर्वांचे आभार देखील मानले आहेत. ‘आमच्या सर्वत्र मित्रांचे आभार… ज्यांनी आम्हाला हा जीवन बदलणारा अनुभव असल्याची खात्री करून दिली…’ सध्या अभिनेत्रीची पोस्ट सोशल मीडियावर तुफान व्हायरल होत आहे. चाहते देखील सोनाक्षी – झहीर यांच्या फोटोंवर लाईक्स आणि कमेंट करत प्रतिक्रिया देत आहेत.