PM Modi: अमेरिकेत भारताच्या संस्कृतीचं दर्शन; परदेशी गायिका पडली मोदी यांच्या पाया आणि…

मुंबई | पंतप्रधान नरेंद्र मोदी तीन दिवसांसाठी अमेरिका दौऱ्यावर आहेत. दौऱ्याच्या शेवटच्या दिवशी परदेशात मोदी यांनी भारताला संबोधित केलं. अमेरिकेत रंगलेल्या कार्यक्रमात अमेरिकन गायिका मेरी मिलबेन हिने भारत देशाचं राष्ट्रगीत जन…गण…मन… गायलं… एवढंच नाही तर, गायिका पंतप्रधान नरेंद्र मोदी यांच्या पाया देखील पडली. सध्या अमेरिकन गायिका मेरी मिलबेन हिचा व्हिडीओ सोशल मीडियावर तुफान व्हायरल होत आहे. व्हिडीओ पाहून भारतीय संस्कृतीचं दर्शन घण्याचं चित्र याठिकाणी दिसलं.. व्हिडीओ पाहून अनेकांनी अमेरिकन गायिका मेरी मिलबेन हिचं कौतुक केलं आहे. सध्या व्हायरल होत असलेल्या व्हिडीओवर चाहते लाईक्स आणि कमेंटचा वर्षाव करत आहेत.

अमेरिकन गायिका मेरी मिलबेनने वॉशिंग्टन डीसीच्या रोनाल्ड रीगन बिल्डिंगमध्ये भारताचे राष्ट्रगीत गायले आणि त्यानंतर पंतप्रधान नरेंद्र मोदींच्या पाया पडली हा व्हिडिओ सोशल मीडियावर तुफान व्हायरल होत आहे. एवढंच नाही तर कार्यक्रमात महत्त्वाची भूमिका बजावल्यामुळे अमेरिकन गायिका मेरी मिलबेन प्रचंड आनंदी आणि उत्साही होती…

अमेरिकन गायिका मेरी मिलबेन हिचं राष्ट्रगीत गावून झाल्यानंतर पंतप्रधान मोदी यांनी देखील तिचं कौतुक केलं. राष्ट्रगीत संपल्यानंतर पंतप्रधान नरेंद्र मोदी तिचं कौतुक करण्यासाठी पुढे गेले..अशात मेरीने मोदी यांचे आशीर्वाद घेतले. तेव्हा मोदी यांनी गायिकेला पायाला स्पर्ष करु दिलं नाही.. सध्या सर्वत्र पंतप्रधान मोदी आणि मॅरी मिलबेन यांचा व्हिडीओ व्हायरल होत आहे.

आंतरराष्ट्रीय गायिका मेरी मिलबेन हिने पीएम मोदींचे कौतुक केले आणि सांगितले की ‘पीएम मोदी हे अतिशय अद्भुत आणि दयाळू व्यक्ती आहेत’… सांगायचं झालं तर, यापूर्वी 21 जून रोजी आंतरराष्ट्रीय योग दिनानिमित्त मेरी मिलबेन हिने पंतप्रधान मोदींच्या संयुक्त राष्ट्र मुख्यालयात परफॉर्म केले होते.

मेरी तिच्या गाण्यांमुळे भारतात प्रचंड प्रसिद्ध लोकप्रिय आहे. याआधी मेरी हिने विष्णू यांची आरती देखील गायली होती. तिने गायलेली‘ओम जय जगदीश हरे’ आरती देखील सोशल मीडियावर तुफान व्हायरल झाली आहे. भारताच्या 74 व्या स्वातंत्र्य दिनानिमित्त, मेरीने राष्ट्रगीत गायलं होतं. शिवाय 2022 मध्ये देखील मेरीला भारतात बोलावलं होतं.

मेरीला 76 व्या स्वातंत्र्यदिनी राष्ट्रगीत सादर करण्यासाठी बोलावण्यात आलं होतं. भारताच्या स्वातंत्र्य दिनानिमित्त परफॉर्म करणारी मेरी पहिली अमेरिकन-आफ्रिकन गायिका ठरली. भारतात देखील अमेरिकन गायिका मेरी मिलबेन हिच्या चाहत्यांची संख्या फार मोठी आहे..