Amy Jackson | ॲमी जॅक्सनचा नवा लूक पाहून चाहते थक्क; म्हणाले ‘प्लास्टिक जरा जास्तच..’

ॲमी जॅक्सन

Image Credit source: Instagram

मुंबई | 22 सप्टेंबर 2023 : अभिनेत्री ॲमी जॅक्सन तिच्या सौंदर्यामुळे आणि चित्रपटांमुळे चर्चेत असते. ॲमी सोशल मीडियावरही बऱ्यापैकी सक्रिय असून इंस्टाग्रामवर ती बरेच फोटो आणि व्हिडिओ शेअर करत असते. नुकताच तिने स्वतःचा एक फोटो पोस्ट केला आहे. यामध्ये ॲमी तिच्या नव्या लूकमध्ये पहायला मिळतेय. मात्र तिचा नवीन लूक पाहून नेटकरी थक्क झाले आहेत. ॲमीचा हा फोटो पाहून काही लोकांना ‘ओपनहायमर’ या हॉलिवूड चित्रपटातील सिलियन मर्फी अभिनेत्याची आठवण आली. ॲमीचं अजब ट्रान्सफॉर्मेशन पाहून नेटकरांना तिला ओळखलंच कठीण झालं आहे.

ॲमी जॅक्सनने इंस्टाग्रामवर तिच्या नवीन लूकचा फोटो पोस्ट केला आहे. यामध्ये ती अत्यंत वेगळ्या लूकमध्ये पाहायला मिळतेय. तिला या फोटोत ओळखणंही कठीण जात आहे. सोशल मीडियावर ॲमीचा हा नवीन लूक चांगलाच व्हायरल होत आहे. ॲमी नेहमीच तिच्या सौंदर्यामुळे चर्चेत असते, मात्र तिचा हा नवीन लूक पाहून अनेक जण नाराज झाले आहेत. ॲमीच्या लूकमधील हा बदल पाहून तिने प्लास्टिक सर्जरी केली का असाही प्रश्न अनेकांना पडला आहे.

ॲमीच्या फोटोवर नेटकऱ्यांकडून विविध प्रतिक्रिया येत आहेत. ‘अयशस्वी सर्जरी, प्लास्टिक जरा जास्तच झाली नाही का’, अशी कमेंट एका युजरने केली. तर ‘विश्वास बसत नाहीये. ही तीच ॲमी आहे का,’ असं दुसऱ्याने म्हटलंय. ‘ॲमी सर्वात सुंदर अभिनेत्री होती. मात्र या फोटोत तिला ओळखताच येत नाहीये. आता माझी क्रश ही क्रश राहिली नाही,’ अशाही शब्दात नेटकऱ्यांनी निराशा व्यक्त केली आहे. काहींनी तिच्या या लूकची तुलना ‘ओपनहायमर’मधील सिलियन मर्फी या हॉलिवूड अभिनेत्याशी केली आहे.

ॲमी जॅक्सन तिच्या खासगी आयुष्यामुळे अनेकदा चर्चेत होती. अभिनेता प्रतीक बब्बरसोबतचं तिचं नातं सर्वाधिक चर्चेत होतं. ‘एक दिवाना था’ या चित्रपटात या दोघांनी एकत्र काम केलं होतं. 2011 मध्ये प्रदर्शित झालेल्या या चित्रपटाच्या शूटिंगदरम्यान प्रतीक आणि ॲमी एकमेकांच्या प्रेमात पडले. हे दोघं त्यावेळी प्रेमात आकंठ बुडाले होते. मात्र त्यांचं नातं फार काळ टिकू शकलं नाही. ब्रेकअपनंतरचा काळ प्रतीकसाठी फार अवघड होता. त्याला नैराश्याचाही सामना करावा लागला होता.