अनिल कपूरचा भाऊ संजय कपूरला ही चूक पडली महागात, बॉलिवूड करिअरवर परिणाम

अनिल कपूर हे बॉलिवूडच्या मोठ्या स्टार्सच्या यादीत येतात. आज त्यांच्याकडे कसलीही कमतरता नाही. 1983 मध्ये रिलीज झालेल्या ‘वो सात दिन’ या चित्रपटातून अनिल कपूर यांनी पदार्पण केले आणि त्यानंतर त्यांनी कधीही मागे वळून पाहिले नाही. त्यांनी आपल्या अभिनयाने लोकांवर अशी जादू निर्माण केली की आज वयाच्या 67 व्या वर्षीही त्यांचे स्टारडम कायम आहे. पण दुसरीकडे त्याचा लहान भाऊ संजय कपूरची बॉलिवूड कारकीर्द काही खास राहिली नाही.

संजय कपूरने 1995 मध्ये आपल्या फिल्मी करिअरला सुरुवात केली होती. पहिला चित्रपट ‘प्रेम’ हा बॉक्स ऑफिसवर फ्लॉप ठरला. त्याच वर्षी त्यांचा ‘राजा’ नावाचा एक चित्रपट प्रदर्शित झाला, ज्याला लोकांनी खूप पसंती दिली. तो चित्रपट ब्लॉकबस्टर ठरला. संजय यांच्या करिअरला चांगले वळण लागेल असं वाटत होतं, पण तसं झालं नाही आणि त्याचे बहुतेक चित्रपट फ्लॉप झाले.

2003 मध्ये संजय कपूर यांची एक चूक त्यांना महागात पडली. ज्याचा करिअरवरही मोठा परिणाम झाला. जर त्याने ही चूक केली नसती तर आज तो बॉलीवूडमध्ये वेगळ्या उंचीवर असता. त्याचे स्टारडम सलमान खान सारखे असले असते.

‘तेरे नाम’ 2003 साली रिलीज झाला होता, ज्यामध्ये सलमान खान दिसला होता. या चित्रपटाद्वारे सलमान खान रातोरात प्रसिद्ध झाला. त्यांच्या कारकिर्दीला नवी उड्डाणे मिळाली. या चित्रपटाची उत्सुकता चाहत्यांमध्ये इतकी होती की ती आजही ती कमी झालेली नाही. सलमानची स्टाईल असो किंवा त्याची हेअरस्टाईल, प्रत्येक गोष्ट खूप लोकप्रिय झाली. मात्र, या चित्रपटासाठी सलमान हा पहिली पसंती नव्हता.

हा चित्रपट सतीश कौशिक यांनी दिग्दर्शित केला होता. मात्र, त्याआधी तो अनुराग कश्यप बनवणार होता. सलमानसोबतच्या मतभेदांमुळे या चित्रपटाचे दिग्दर्शक बदलले आणि अनुरागच्या जागी सतीश कौशिक या चित्रपटाचा भाग बनले.

एका रिपोर्टनुसार, अनुराग जेव्हा या चित्रपटाचे दिग्दर्शक होते, तेव्हा संजय कपूर यांना या चित्रपटाची ऑफर मिळाली होती. मात्र, काही कारणास्तव त्याने हा चित्रपट नाकारला. नंतर त्याची ऑफर सलमानकडे गेली आणि तो राधेची भूमिका साकारून सर्वत्र प्रसिद्ध झाला. संजयने हा चित्रपट नाकारला नसता तर सलमानला जी लोकप्रियता मिळाली ती त्याला मिळू शकली असती.