Armaan Malik | अरमान मलिकने ‘या’ सोशल मीडिया इन्फ्लुएन्सरशी केला साखरपुडा, पहा फोटो
अरमान आणि आशना हे 2017 पासून एकमेकांच्या प्रेमात आहेत. मात्र मध्यंतरीच्या काळात त्यांचं ब्रेकअप झालं होतं. पुन्हा दोन वर्षांनंतर हे दोघं एकमेकांना डेट करू लागले.
प्रसिद्ध बॉलिवूड गायक अरमान मलिकने त्याच्या गर्लफ्रेंडला प्रपोज केलं आहे. सोशल मीडिया इन्फ्लुएन्सर आणि फॅशन ब्लॉगर आशना श्रॉफला तो गेल्या काही वर्षांपासून डेट करतोय. अरमानने आशनाला लग्नासाठी प्रपोज केलं असून त्याचे फोटो सोशल मीडियावर पोस्ट केले आहेत.
'आमचा एकमेकांसोबतचा कायमचा प्रवास आतापासून सुरू होतोय', असं कॅप्शन देत अरमानने हे फोटो पोस्ट केले आहेत. 2019 पासून हे दोघं एकमेकांना डेट करत आहेत. सोशल मीडियावर आशना अनेकदा अरमानसोबतचे फोटो पोस्ट करत असते.
अरमान आणि आशनावर नेटकऱ्यांकडून आणि सेलिब्रिटींकडून शुभेच्छांचा वर्षाव होत आहे. सोफी चौधरी, इशान खट्टर, तारा सुतारिया, निखिल कांधारी यांसारख्या सेलिब्रिटींनी कमेंट्स करत शुभेच्छा दिल्या आहेत.
अरमान आणि आशना हे 2017 पासून एकमेकांच्या प्रेमात आहेत. मात्र मध्यंतरीच्या काळात त्यांचं ब्रेकअप झालं होतं. पुन्हा दोन वर्षांनंतर हे दोघं एकमेकांना डेट करू लागले.
अरमान मलिक हा प्रसिद्ध संगीतकार अनु मलिकचा पुतण्या आहे. त्याचा भाऊ अमाल मलिकसुद्धा इंडस्ट्रीत प्रसिद्ध गायक आहे. मैं हूँ हिरो तेरा, तुम्हे अपना बनाने का, मैं रहूँ या ना रहूँ, बोल दो ना जरा यांसारखी हिट गाणी अरमानने गायली आहेत.