बॉलिवूडचा गडगंज श्रीमंत स्टार किड, 1000 कोटी रुपयांच्या कंपनीचा मालक, सलमानही त्याच्या मागे

Bollywood Richest Star Kid: आउटसायडरच्या तुलनेत आर्यन खान आणि सारा अली खान यांसारख्या स्टार किड्सना सिनेमांमध्ये करिअर करण्याची संधी सहज मिळते. त्यांचे सिनेमे बॉक्स ऑफिसवर फ्लॉप होत असले तरी, त्यांना अनेक सिनेमांमध्ये काम करण्याची संधी मिळते. पण झगमगत्या विश्वात असा एक स्टार आहे जो स्वतःच्या मेहनतीवर आणि कौशल्यावर स्टार झाला. एवढंच नाही तर तो आज 1000 कोटी रुपयांच्या कंपनीचा मालक देखील आहे. त्यांच्या नेटवर्थ पुढे अभिनेता सलमान खान याची नेटवर्थ देखील फिकी आहे.

सध्या ज्या स्टार किडची चर्चा रंगली आहे तो अभिनेता शाहरुख खानचा मुलगा आर्यन खान नाही. अभिनेते जॅकी श्रॉफ यांचा मुलगा टायगर श्रॉफ नाही. सैफ अली खान याची लेक सारा अली खान नाही. ज्याने स्वतःच्या कौशल्याच्या जोरावर बॉलिवूडमध्ये स्थान पक्क केलं आहे, तो दुसरा तिसरा कोणी नसून दिग्दर्शक राकेश रोशन यांचा मुलगा आणि अभिनेता हृतिक रोशन आहे.

हृतिक रोशन याने ‘कहो ना प्यार है’ सिनेमातून बॉलिवूडमध्ये पदार्पण केलं. बॉलिवडमध्ये 24 वर्षांत हृतिकने अनेक सिनेमांमध्ये दमदार भूमिका साकारत चाहत्यांचं मनोरंजन केलं. डान्स आणि अभिनयाच्या जोरावर हृतिकने स्वतःची ओळख निर्माण केली. आज हृतिक याला कोणत्या ओळखीची गरज नाही.

2013 मध्ये सुरु केली कंपनी

हृतिक रोशनने नोव्हेंबर 2013 मध्ये कपड्यांचा ब्रँड HRX लॉन्च केला. रिपोर्टनुसार, हा एक फिटनेस आणि लाइफस्टाइल ब्रँड आहे जो शूज, कपडे आणि सपोर्टिंग गॅझेट्ससह विविध उत्पादने विकतो. आजच्या दिवसांत अभिनेत्याच्या HRX कंपनीची किंमत 1000 कोटी रुपये आहे. या शर्यतीत हृतिकने अभिनेता सलमान खान याला देखील मागे टाकलं आहे.

किती आहे हृतिक रोशन याची नेटवर्थ?

मीडिया रिपोर्टनुसार, हृतिक रोशन याची नेटवर्थ 3100 कोटी रुपये आहे. तर सलमान खान याची नेटवर्थ 2900 कोटी रुपये आहे. अभिनेता अक्षय कुमार याची नेटवर्थ 2500 कोटी रुपये आहे. अभिनेता आमिर खान याची नेटवर्थ 1862 कोटी रुपये आहे. या यादीमध्ये हृतिक सर्वात श्रीमंत स्टार किड आहे.

अभिनेता हृतिक रोशन सर्वात श्रीमंत स्टार किड आहे. पण हृतिक सर्वात श्रीमंत अभिनेता नाही. बॉलिवूडचा सर्वात श्रीमंत आणि लोकप्रिय अभिनेता दुसरा तिसरा कोणी नाही तर अभिनेता शाहरुख खान आहे. किंग खानची नेटवर्थ 7300 कोटी रुपये आहे. आजही किंग खानचे सिनेमे पाहण्यासाठी चित्रपटगृहात चाहत्यांची गर्दी जमलेली असते.