‘बालिका वधू’ फेम आनंदीने उरकलं गुपचूप लग्न? म्हणाली, ‘मुलगा नोकरी करतो पण…’
Balika Vadhu fame Avika Gor: 18 वर्ष मोठ्या पुरुषासोबत 'बालिका वधू' फेम आनंदीचं अफेयर... अनेक वर्षांच्या रिलेशनशिपनंतर उरकलं लग्न? अभिनेत्रीकडून मोठा खुलासा, अविका गौर कायम तिच्या खासगी आणि प्रोफेशनल आयुष्यामुळे असते चर्चेत...
‘बालिका वधू‘ (Balika Vadhu) मालिकेतून लहान वयात लोकप्रियतेच्या शिखरावर पोहोचलेली अभिनेत्री अविका गौर (Avika Gor) आता तिच्या प्रोफेशनल आयुष्यामुळे नाही तर, खासगी आयुष्यामुळे चर्चेत आली आहे. अविका हिने भारती सिंग आणि हर्ष लिम्बाचिया यांच्या पॉडकास्टमध्ये मोठा खुलासा केला आहे. पॉडकास्टमध्ये हर्ष आणि भारती यांनी अविका हिच्यासोबत अनेक मुद्द्यांवर गप्पा मारल्या… शिवाय अविका हिला लग्नाबद्दल देखील विचारण्यात आलं.
पॉडकास्टमध्ये अविका म्हणाली, ‘मी गेल्या चार वर्षांपासून मिलिंद चंदवानी याला डेट करत आहे. मिलिंद आपल्या इंटस्ट्रीतील नाही. तो 9 ते 5 नोकरी करते. शिवाय त्याचा स्वतःचा एक NGO देखील आहे. जेव्हा आमच्या नात्याची सुरुवात झाली तेव्हा जवळपास 6 महिने आम्ही फ्रेंडझोनमध्ये होतो…’
‘मिलिंदला कायम वाटायचं की, कोणत्याही नात्यात अधिक घाई झालेली चांगली नसते. आम्ही निर्णय घेण्यासाठी एकमेकांना वेळ दिला. त्यामुळे सहा महिन्यांनंतर मिलिंद मला I Love You म्हणाला. मिलिंद स्वभावाने प्रचंड चांगला आहे. मी माझ्या मनात त्याच्यासोबत लग्न केलं आहे. पण मिलिंद मला कायम म्हणत असतो की, आता फक्त 26 वर्षांची आहेस आणि तो 32 वर्षांचा आहे…’
‘माझ्या आणि मिलिंदच्या वयात फार अंतर आहे. त्यामुळे मी माझी वेळ घेतल्यानंतर लग्नाचा विचार करावा… असं त्याचं म्हणणं आहे. पण सर्वात महत्त्वाची गोष्ट म्हणजे मी मनात मिलिंदसोबत लग्न केलं आहे. एवढंच नाही तर, जेव्हा मिलिंद घरी आला तेव्हा आईने मला विचारलं लग्न कधी करणार आहात… माझ्या अनेक मित्रांना आई भेटली आहे. पण कोणत्याच मित्राला भेटल्यानंतर आईच्या मनात अशी भावना आली नाही, जी मिलिंदसाठी आहे…’
पुढे भारतीने अविका हिला लग्नाबद्दल विचारलं, यावर अभिनेत्री म्हणाली, ‘लग्नाला वेळ आहे. पण आम्ही एकमेकांसोबत आनंदी आहोत…’ अविका हिच्याबद्दल सांगायचं झालं तर, अभिनेत्री कायम खासगी आयुष्यामुळे चर्चेत असते. आता देखील अभिनेत्री खासगी आयुष्यामुळे चर्चेत आहे.
सांगायचं झालं तर, मिलिंद चंदवानी याला डेट करण्यापूर्वी अविका हिच्या नावाची चर्चा तिच्यापेक्षा 18 वर्ष मोठ्या अभिनेत्यासोबत रंगू लागली. ‘सुसराल सिमर का’ मालिकेतील अभिनेता मनिष रायसिंगन याच्यासोबत अविका हिच्या नात्याच्या तुफान चर्चा रंगल्या. पण रंगणाऱ्या चर्चा फक्त अफवा होत्या असं देखील अभिनेत्री एका मुलाखतीत म्हणाली होती.