ए आर रेहमान यांच्या घटस्फोटाचं 28 वर्षीय तरुणीसोबत कनेक्शन? वकिलांकडून सत्य उघड
AR Rahman And Saira Banu Divorce: ए आर रेहमान आणि 'त्या' 28 वर्षीय तरुणीचं काय आहे कनेक्शन? दोघांच्या घटस्फोटाबद्दल वकिलांकडून मोठं सत्य समोर... सध्या सर्वत्र ए आर रेहमान यांच्या खासगी आयुष्याच्या चर्चा...
AR Rahman And Saira Banu Divorce: भारताचे लोकप्रिय व ऑस्कर विजेते संगीतकार ए आर रेहमान गेल्या काही दिवसांपासून त्यांच्या खासगी आयुष्यामुळे चर्चेत आहेत. लग्नाच्या 29 वर्षांनंतर ए आर रेहमान आणि सायरा बानू यांनी विभक्त होण्याचा निर्णय घेतला. खुद्द ए आर रेहमान यांनी सोशल मीडियाच्या माध्यमातून घटस्फोटाची घोषणा केली. घटस्फोटाची पोस्ट व्हायरल झाल्यानंतर चाहत्यांना देखील मोठा धक्का बसला… ए आर रेहमान यांच्या घटस्फोटाची बातमी ताजी असताना, त्यांच्या घटस्फोटाचं कनेक्शन 28 वर्षीय गिटारिस्ट मोहिनी हिच्यासोबत जोडलं जातं आहे. यावर वकील वंदना शाह यांनी देखील मोठं वक्तव्य केलं आहे.
सांगायचं झालं तर, ए आर रेहमान आणि गिटारिस्ट मोहिनी यांच्या घटस्फोटाची बातमी एकाच दिवशी समोर आल्यामुळे चर्चांना उधाण आलं. शिवाय नको त्या चर्चांनी देखील जोर धरला. अशात वंदना शाह यांच्या वक्तव्यानंतर संपूर्ण चित्र स्पष्ट झालं आहे.
नुकताच झालेल्या एका मुलाखतीत, वकील वंदना शहा यांनी सर्व चर्चा फेटाळल्या आहेत. शाह म्हणाल्या, ‘गिटारिस्ट मोहिनी हिचं ए आर रेहमान घटस्फोट प्रकरणाशी काहीही संबंध नाही. सायरा आणि मिस्टर रेहमान यांनी दोघांनी स्वतः घटस्फोटाचा निर्णय घेतला आहे…’ असं म्हणत वंदना शाह यांनी गिटारिस्ट मोहिनी आणि ए आर रेहमान यांच्या घटस्फोटाचा काहीही कनेक्शन नसल्याचं स्पष्ट केलं आहे.
पुढे वंदना यांनी सायरा बानू यांच्या घटस्फोट प्रकरणी अद्याप पोटगीबद्दल काहीही बोलणं झालं नसल्याचं देखील सांगितलं आहे. वकील वंदना शाह यांनी दिलेल्या माहितीनुसार, ‘नात्यातील भावनात्मक तणावानंतर दोघांनी विभक्त होण्याचा निर्णय घेतला आहे.’ दोघांच्या घटस्फोटानंतर चाहत्यांना देखील मोठा धक्का बसला आहे.
ए आर रेहमान आणि सायरा बानू यांचा घटस्फोट…
“We had hoped to reach the grand thirty, but all things, it seems, carry an unseen end. Even the throne of God might tremble at the weight of broken hearts. Yet, in this shattering, we seek meaning, though the pieces may not find their place again. To our friends, thank you for…
— A.R.Rahman (@arrahman) November 19, 2024
ए आर रेहमान आणि सायरा बानू यांच्या लग्नाबद्दल सांगायचं झालं तर, 29 वर्षांपूर्वी दोघांनी लग्न केलं. 1995 मध्ये ए आर रेहमान आणि सायरा बानू यांचं लग्न झालं. दोघांनी घरच्यांच्या सहमतीने अरेंज मॅरेज केलं होतं. पण आयुष्यात कठीण वळण आलं आणि दोघांनी विभक्त होण्याचा निर्णय घेतला.