Bigg Boss 14 Winner : रुबीना दिलैक बिग बॉस 14 ची विजेती

गेल्या 20 आठवड्यांपूर्वी सुरु झालेल्या या सीझनला अखेर विजेता मिळाला आहे. राहुल आणि रुबीना यांच्यात शेवटपर्यंत काँटे की टक्कर बघायला मिळाली. मात्र, अखेर या सीझनचा विजेचा जाहीर झाला आहे. रुबीना दिलैक या सीझनची विजेता ठरली आहे.

बिग बॉसच्या घरातून निक्की तांबोळी एलिमेनट झाली आहे. त्यामुळे आता फक्त दोन फायनलिस्ट शिल्लक राहिले आहेत. आता घरात राहुल वैद्य आणि रुबीना आहेत. कोण होणार विजेता हे जाणून घेण्यासाठी प्रेक्षकांची उत्सुकता शिगेला पोहोचली आहे.

बिग बॉसच्या घरात कलर्स टीव्हीवरील सर्व मालिकांच्या कलाकारांनी खूप सुंदर नृत्य केलं. प्रत्येक मालिकेची एक जोडी मंचावर थिरकताना दिसली. यामध्ये बॅरिस्ट बाबू मालिकाच्या चिमुकल्यांनी वेळ मारुन नेली.

राहुल आमि अली यांनी सर्वात आधी ‘ये दोस्ती हम नही तोडेंग’ या गाण्यावर नृत्य केलं. त्यानंतर ते ‘हम दोनो है अलग-अलग’ या गाण्यावर थिरकताना दिसले. दोघांच्या नृत्यानंतर सलमानने राहुलला ही दोस्ती बिग बॉसच्या घराबाहेरही टिकेल का? असा प्रश्न विचारला. त्यावर राहूलने 40 काय 400 वर्षे आमची दोस्ती टिकेल, असं उत्तर दिलं.

महाअंतिम सोहळ्यात अनोख्या आणि मनोरंजनात्मक गोष्टी बघायला मिळत आहेत. या कार्यक्रमात शोले चित्रपटातील एक सीन क्रिएट करण्यात आलाय. यामध्ये धर्मेंद्र विरु, सलमान खान गब्बर आणि राखी सावंत बसंतीच्या भूमिकेत दिसले. यावेळी राखी सावंत ‘जब तक है जान’ गाण्यावर थिरकताना दिसली,

धर्मेंद्र यांनी बिग बॉसमधील स्पर्धकांना स्पर्धकांना मायेचा सल्ला दिला आहे. भांडण करण्यापेक्षा एकत्र गुण्या-गोविंदाने राहा, असं आवाहन धर्मेंद्र यांनी केलं

जॅस्मीन आणि अली यांचं एक वेगळं नात होतं. बिग बॉसच्या घरात मधल्या काळात त्यांच्यात बरेच वादविवाद झाले. मात्र, महाअंतिम सोहळ्यात दोघांनी मिळून ‘जरा जरा मेहकता है’ या गाण्यावर खूप सुंदर नृत्य केलं.

ज्येष्ठ अभिनेते धर्मेंद्र यांचं बिग बॉसच्या मंचावर स्वागत झालं आहे. ‘यमला पगला दिवाना’ या गाण्यात त्यांचं स्वागत करण्यात आलं. धर्मेंद्र यांनी सर्व स्पर्धकांचं अभिनंदन केलं.

बिग बॉसच्या महाअंतिम सोहळ्यात धर्मेंद्र देखील दिसणार आहे. धर्मेंद्र आणि सलमान यांच्यात चांगलीच जुगलबंदी बघायला मिळणार आहे. त्यांच्या जुगलबंदीचा प्रोमो समोर आला आहे.

बिग बॉस सीझन 14 चा आज महाअंतिम सोहळा संपन्न होत आहे.  अली गोनी याला बिग बाॅसच्या घरातून बेघर करण्यात आलं आहे.

राखी सावंत बिग बॉसच्या घरातून बाहेर झाली आहे. राखी 14 लाख रुपये घेऊन बिग बॉसच्या घरातील स्पर्धेतून बाहेर पडली आहे. निक्की जिंकणार नाही. पण इतरांमध्ये खूप स्पर्धा आहे. पण रुबीना जिंकेल, असं माझं मन सांगतंय, असं राखी म्हणाली. मी 14 लाखांच्या बक्षिसमध्ये खूश आहे, असंही ती म्हणाली.

राखी सावंतने ‘परदेसिया’ गाण्यावर जबरदस्त परफोर्मन्स केला. या गाण्यानंतर राखी सावंतला भेटण्यासाठी अभिनेता रितेश देशमुख बिग बॉसच्या घरात गेला.

महाअंतिम सोहळ्याच्या सुरुवातीलाच प्रेक्षकांना आता सप्राईज मिळालं आहे. कारण कार्यक्रमात थेट अभिनेत्री माधुरी दिक्षित बघायला मिळाली. माधुरीने सर्व स्पर्धकांशी व्हिडीओ कॉलद्वारे बातचित केली. त्याचबरोबर पाचही स्पर्धकांची आतापर्यंत जर्नी माधुरीने आपल्या अंदाजात सांगितली.

बिग बॉस सीझन 14 च्या महाअंतिम सोहळ्याला सुरुवात झाली आहे. सलमान खानने आपल्या शैलीत कार्यक्रमाला सुरुवात केली आहे. सध्या सर्व स्पर्धकांचे मजेशीर किस्से दाखवले जात आहेत. सर्व स्पर्धकांच्या नातेवाईकांनी या कार्यक्रमाला हजेरी लावली आहे. सलमान खानने सर्वांचे स्वागत केलं आहे.