Bigg Boss 18 विजेत्याला मिळणार इतकी मोठी रक्कम? फिनालेच्या आधीच अनेक गोष्टी लीक

अभिनेता सलमान खान याचा वादग्रस्त शो ‘बिग बॉस’ ची चाहते प्रतीक्षा करत असतात. अभिनेत्याचा रिॲलिटी शो नव्या अंदाजासह, नव्या सिझनसह चाहत्यांच्या भेटीस आला आहे. कलर्स टीव्हीवर प्रसारित होणाऱ्या ‘बिग बॉस 18’ मध्ये 18 स्पर्धक सहभागी होणार आहेत. यावेळी बिग बॉसच्या घरात बॉलिवूड – टीव्ही सेलिब्रिटी, सोशल मीडिया स्टार, राजकारणी व्यक्ती देखील सहभागी होणार आहेत. 105 दिवसांच्या प्रवासानंतर विजेता घोषित होणार आहे. पण त्याआधीच विजेत्याला मिळणाऱ्या रकमेचा आकडा समोर आला आहे.

सांगायचं झालं तर, प्रत्येक वेळी बिग बॉस विजेत्यासाठी मोठ्या रकमेची घोषणा करत असतो. पण अनेकदा रक्कम कमी – जास्त होते. शिवाय विजेत्याला ट्रॉफी आणि कार देखील दिली जाते. अशात ‘बिग बॉस 18’ च्या विजेत्याला किती धनादेश मिळणार… याकडे सर्वांचं लक्ष लागलं आहे.

‘बिग बॉस 18’ च्या विजेत्याचं धनादेश

‘बिग बॉस 18’ च्या विजेत्याला तब्बल 50 लाख रुपये धनादेश मिळणार आहे. पण संबंधित रक्कम कमी किंवा जास्त होऊ शकते. अशा परिस्थितीत ही रक्कमही अंतिम नाही. बऱ्याच वेळा अंतिम स्पर्धकांना काही बक्षीस रकमेसह शो सोडण्याचा पर्याय दिला जातो. मात्र, यावेळी या गोष्टी होतील की नाही हे सांगणं कठीण आहे.

मुनव्वर फारूकी याला किती मिळाले होते पैसै?

मुनव्वर फारुकी याने ‘बिग बॉस 17’ शो जिंकला होता. विजेता घोषित होताच अभिनेत्याला 50 लाख रुपयांचं बक्षिस मिळालं होतं. याशिवाय त्याला भव्य ट्रॉफी आणि चमकणारी हुंडई क्रेटा कार देण्यात आली. मुनव्वाकच्या आधी एमसी स्टॅनने बिग बॉस 16 ची ट्रॉफी जिंकली होती. त्याला बक्षीस म्हणून 31.8 रुपये मिळाले. तर बिग बॉस 15 च्या विजेत्या तेजस्वी प्रकाशला 40 लाख रुपये मिळाले आहेत.