Bigg Boss OTT 2 | “किसच्या मागे बिग बॉसचं मोठं षडयंत्र”; आकांक्षा पुरीने केली शोची पोलखोल

Akanksha Puri

Image Credit source: Instagram

मुंबई : बिग बॉसच्या घरातून बाहेर पडल्यानंतर मॉडेल आकांक्षा पुरी सध्या सोशल मीडियावर तिच्या किसिंग कॉन्ट्रोव्हर्सीमुळे चर्चेत आहे. घरातून बाद झाल्यानंतर तिने सूत्रसंचालक सलमान खानवर बरेच आरोप केले. त्याचप्रमाणे आता तिने जद हदिदसोबतच्या किस प्रकरणी वेगळाच खुलासा केला आहे. मंगळवारी संध्याकाळी सोशल मीडिया आणि गेमिंग प्लॅटफॉर्मवर लाइव्ह येत तिने चाहत्यांच्या प्रश्नांची उत्तरं दिली. यावेळी तिने बिग बॉस आणि सलमानवर निशाणा साधला. बिग बॉसच्या घरात जे टास्क स्पर्धकांना दिले जायचे, त्यांना बाहेर वेगळ्याच पद्धतीने प्रस्तुत केलं जायचं, असा खुलासा आकांक्षाने केला.

बिग बॉसच्या घरातील एका टास्कदरम्यान जद हदिद आणि आकांक्षा पुरीने 30 सेकंदांसाठी लिप-टू-लिप किस केलं होतं. यावरून सोशल मीडियावर खूप मोठा वाद निर्माण झाला होता. या वादानंतर घराबाहेर जाणाऱ्या स्पर्धकांमध्ये आकांक्षाचं नाव नॉमिनेट करण्यात आलं होतं. आकांक्षाशिवाय अभिषेक मल्हान, जिया शंकर हेसुद्धा नॉमिनेट झाले होते. वीकेंड का वार एपिसोडमध्ये या तिघांना एक टास्क दिला गेला होता. या टास्कदरम्यान घराबाहेर कोणाला पाठवायचं हे त्यांना ठरवायचं होतं. त्यावेळी अभिषेक आणि आकांक्षाने जियाचं नाव घेतलं. तर जियाने आकांक्षाला घराबाहेर जाणाऱ्या स्पर्धकासाठी निवडलं. अखेर सूत्रसंचालक सलमान खानने घोषित केलं की बिग बॉसच्या घरातून आकांक्षा बाहेर पडणार.

या एलिमिनेशननंतर आकांक्षाने बिग बॉस या शोवर जोरदार टीका केली. “जेव्हा मी घराबाहेर आले तेव्हा जिओ सिनेमा ॲपवर पाहिलं की किसच्या सीनचा थंबनेल बनवला होता, त्याचा टीझर बनवला होता. त्या गोष्टीला अधिकाधिक प्रमोट केलं जात होतं. जर निर्मात्यांना हे सगळं करायचं होतं तर त्यांनी मला घराबाहेर का काढलं? बिग बॉस नेहमी प्रत्येक गोष्टीवर आम्हाला रोखायचे. हे करू नका, ते करू नका, इंग्रजीत बोलू नका, हिंदीत बोला. जर 30 सेकंदांच्या त्या किसची समस्या होती, तर त्याच वेळी आम्हाला का रोखलं नाही. मला अशी दुटप्पी भूमिका घेणारे लोक आवडत नाहीत”, अशा शब्दांत तिने नाराजी व्यक्त केली.

लाइव्ह स्ट्रीमिंगदरम्यान आकांक्षाला जेव्हा विचारलं गेलं की तू लग्न, किस आणि हुकअप करायचं असेल तर कोणाशी करशील? त्यावर ती म्हणाली की, “लग्न तर मला सलमान खानसोबत करायची इच्छा आहे. जदला मी किस केलं आहे, त्यामुळे अविनाशला मी किस करू शकेन आणि हुकअपसाठी जद ठीक आहे. त्याच्यासोबत मनाला वाटेल तितके हुकअप्स मी करू शकते. किस कॉन्ट्रोव्हर्सीचा मुद्दा सध्या खूप तापला आहे. सलमान तर यावरून खूप रागावला आहे. त्यामुळे त्याला मी किसच्या कॅटेगरीमध्ये टाकणार नाही. मी त्याला ऑनस्क्रीन किससुद्धा करू शकणार नाही.”