आमिर खान याने दिली सेवाग्राम आश्रमाला भेट, म्हणाला, बापूंच्या विचारांचा…

Aamir Khan

आमिर खान हा गेल्या काही दिवसांपासून चर्चेत आहे. लाल सिंह चड्ढा चित्रपट फ्लॉप गेल्यानंतर आमिर खान हा गायब झाला होता. त्यानंतर लापता लेडीज चित्रपटाचे जोरदार प्रमोशन करताना आमिर खान दिसला. आमिर खान याने मोठा काळ चित्रपटांमध्ये गाजवला आहे. अनेक हिट चित्रपट त्याने बॉलिवूडला दिली आहेत. मोठ्या संपत्तीचा मालक देखील आमिर खान आहे. आमिर खानची फॅन फॉलोइंग देखील जबरदस्त आहे. आमिर खान याची लेक इरा खान हिचे काही दिवसांपूर्वीच लग्न झाले आहे.

नुकताच आमिर खान याने सेवाग्राम आश्रमाला भेट दिलीये. आमिर खान याने म्हटले की, सेवाग्राम आश्रमात प्रथमच आलो आहे. येथे प्रवेश करताच वेगळीच ऊर्जा अनुभवायला मिळाली. मी गांधीजींचा मोठा फॉलोअर आहे. बापूंच्या विचारांचा माझ्यावर मोठा प्रभाव आहे. मला मोठा आनंद होत आहे की जिथे बापूजी दीर्घ काळ राहिलेत. ज्या गोष्टी त्यांनी वापरल्या त्या पाहून वेगळीच अनुभूती आली.

ते मी शब्दात सांगू शकत नाही. येथे येऊन मला मोठा आनंद झाला आहे. पाणी फाऊंडेशनच्या कार्यक्रमाला आमिर खान पोहचला होता. त्यावेळी त्याने आश्रमाला भेट दिली. बापू कुटी आणि परिसराची पाहणी करत माहिती देखील घेतली. आश्रमाच्या वतीने सूतमाळेने स्वागत आमिर खान याचे करण्यात आले.

काही दिवसांपूर्वीच आमिर खानची एक्स पत्नी किरण राव हिने तिच्या आणि आमिर खान नात्याबद्दल मोठे भाष्य केले होते. घटस्फोटाबद्दल बोलताना किरण राव म्हणाली होती की, मी माझा संपूर्ण वेळ घेतला होता. यामुळेच मला काही काळजी नव्हती. मुळात म्हणजे मी आणि आमिर दोघेही खूप जास्त मजबूत आहोत.

आमचे नातेही मजबूत आहे. आम्ही एकमेकांशी खूप जास्त जोडले गेलेलो आहोत. आम्ही एकमेकांचा खूप आदर देखील करतो. आमच्या नात्याला एक स्पेस हवा होता आणि आम्ही तो घेतला मला काही गोष्टींमध्ये स्वत:ची प्रगती करायची होती. विशेष म्हणजे माझ्या निर्णयात आमिरनेही साथ दिल्याचे किरण राव हिने म्हटले होते.