ना हिंदू ना मुस्लिम, सबा आझाद हिच्याकडून धर्माबद्दल अत्यंत मोठा खुलासा, म्हणाली, माझे…

Saba Azad

बॉलिवूड अभिनेता ऋतिक रोशन हा गेल्या काही दिवसांपासून त्याच्या खासगी आयुष्यामुळे जोरदार चर्चेत आहे. ऋतिक रोशनची सोशल मीडियावर जबरदस्त अशी फॅन फॉलोइंग बघायला मिळते. ऋतिक रोशन हा अत्यंत मोठ्या संपत्तीचा मालक आहे. ऋतिक रोशन आणि सबा आझाद हे गेल्या काही दिवसांपासून एकमेकांना डेट करत आहेत. कायमच हे दोघे विदेशात जाताना देखील दिसतात. ऋतिक रोशन आणि सबा आझाद यांची जोडी अनेकांना अजिबातच आवडत नाही. ऋतिक रोशन आणि सबावर टीका देखील केली जाते. ऋतिक रोशन याच्यासोबत रिलेशनमध्ये असल्याने आपल्याला काम मिळत नसल्याचे काही दिवसांपूर्वीच सबा आझाद हिने म्हटले.

ऋतिक रोशन हा मोठा अभिनेता आहे आणि त्याच्यासोबत मी रिलेशनशिपमध्ये असल्याने कोणी मला काम देत नसल्याचे थेट सबा आझाद हिने म्हटले. नुकताच आता सबा आझाद हिने एक मुलाखत दिलीये. या मुलाखतीमध्ये तिने आपल्या खासगी आयुष्याबद्दल खुलासे केले आहेत. आता सबा आझाद हिच्या मुलाखतीची जोरदार चर्चा ही रंगताना दिसत आहे.

सबा आझाद हिने मुलाखतीमध्ये म्हटले की, माझ्या पासपोर्टवर सबा ग्रेवाल हे नाव आहे. माझे वडील शीख वंशाचे आहेत आणि माझी आई मुस्लिम आहे. मात्र, हे असे असले तरीही त्या दोघांनीही कधीच धर्माचे पालन केले नाही किंवा माझ्यावर त्यांचे विचार लादले नाही. पुढे सबा म्हणाली, मी नास्तिक आहे. आझाद हे माझ्या आजीचे आडनाव होते.

मला त्याचा अर्थ आवडला. म्हणूनच मी माझ्या नावासमोर आझाद लावते. हृतिक रोशन हा हिंदू धर्माचा आहे तर सबा आझाद ही मुस्लिम धर्माची असल्याचे सांगितले जाते. मात्र, पहिल्यांदाच सबा आझाद हिच्याकडून तिच्या धर्माबद्दल मोठा खुलासा करण्यात आलाय. सबाने आता हे स्पष्ट केले की, तिचे खरे नाव हे सबा सिंग ग्रेवाल आहे. 

ऋतिक रोशन आणि सबा आझाद यांच्यामध्ये तब्बल 12 वर्षांचे वयाचे अंतर आहे. कायमच यांच्यावर टिका देखील केली जाते. ऋतिक रोशन याच्या वाढदिवसाच्या दिवशी सबा आझाद हिने खास पोस्ट सोशल मीडियावर शेअर केली होती. मध्यंतरी चर्चा होती की, ऋतिक रोशन आणि सबा आझाद लग्न करणार आहेत. मात्र, यावर दोघांनीही काही भाष्य केले नाहीये.