प्रियांका चोप्रा हिचा ‘तो’ अत्यंत मोठा खुलासा, म्हणाली, मी आयुष्यात..

Priyanka Chopra

अभिनेत्री प्रियांका चोप्रा हे गेल्या काही दिवसांपासून सतत चर्चेत असणारे एक नाव आहे. प्रियांका चोप्राची जबरदस्त अशी फॅन फॉलोइंग बघायला मिळते. निक जोनस याच्यासोबतच्या लग्नानंतर प्रियांका चोप्रा ही विदेशात शिफ्ट झालीये. प्रियांका कधीतरी भारतात येताना दिसते. विदेशात राहत असली तरीही प्रियांका चोप्रा ही आपल्या चाहत्यांच्या संपर्कात सोशल मीडियाच्या माध्यमातून कायमच असते. चाहत्यांसाठी खास फोटो आणि व्हिडीओ शेअर करताना दिसते. काही दिवसांपूर्वीच प्रियांका चोप्रा आणि निक जोनस यांचा किस करतानाचा एक व्हिडीओ सोशल मीडियावर तूफान व्हायरल होताना दिसला. थेट कॅमेऱ्यासमोरच निक आणि प्रियांका हे किस करताना दिसले.

प्रियांका चोप्रा हिच्याकडून मोठा खुलासा करण्यात आला. नाकावर शस्त्रक्रिया करणे प्रियांकाला चांगलेच महागात पडले होते. प्रियांका चोप्रा म्हणाली की, माझ्या नाकातील पॉलीप काढण्यासाठी शस्त्रक्रिया करण्यात आली. मात्र, त्या शस्त्रक्रियेनंतर माझ्या नाकाचा पूर्ण आकार बदलून गेला होता. तो काळ माझ्यासाठी इतका जास्त वाईट आणि वेगळा होता की, मी डिप्रेशनमध्येच गेले. 

प्रियांका म्हणाली की, माझा पूर्ण चेहराच वेगळा दिसत होता. या शस्त्रक्रियेचा माझ्या मानसिक आरोग्यावर आणि करिअरवरही वाईट परिणाम झाला. त्यावेळी प्रियांकाच्या हातून तब्बल तीन मोठे चित्रपट देखील गेले होते. वडिलांनी या वाईट काळात आपल्याला खूप जास्त सपोर्ट केल्याचे सांगताना देखील प्रियांका चोप्रा ही दिसली. 

प्रियांका म्हणाली, माझ्या वडिलांनी त्यावेळी मला वचन दिले होते की, काहीही झाले तरीही मी तुझ्यासोबत पूर्णपणे आहे. माझ्या वडिलांमुळेच मला आत्मविश्वास परत मिळाला. मी डिप्रेशनमध्ये असल्याने ते माझ्यासोबतच असायचे. त्यानंतर परत नाकावर प्रियांकाने शस्त्रक्रिया करून घेतली. प्रियांका चोप्रा ही अशी अभिनेत्री आहे जिने मान्य केले की, तिने नाकाची शस्त्रक्रिया केलीये.

प्रियांका चोप्रा ही चक्क एका मुलाखतीमध्ये बॉलिवूडबद्दल मोठे खुलासे करताना दिसली. बॉलिवूडमधून आपल्याला कसे एका कोपऱ्यात ढकलले जात होते हे सांगताना अभिनेत्री दिसली. मला चित्रपटांमध्ये काम मिळू नये, यासाठी काही लोक प्रयत्न करत होते, असा दावाही प्रियांका चोप्रा हिच्याकडून थेट करण्यात आलाय.