सोनाक्षी – झहीर यांच्या लग्नाआधी भावाची क्रिप्टिक पोस्ट, ‘समस्या आहे की…’

बॉलिवूडचे दिग्गज अभिनेते शत्रुघ्न सिन्हा यांची लेक आणि अभिनेत्री सोनाक्षी सिन्हा गेल्या काही दिवसांपासून लग्नामुळे चर्चेत आहे. सोनाक्षी हिने अभिनेता झहीर इक्बाल याच्यासोबत लग्न करण्याचा निर्णय घेतला आहे. लग्नाला सिन्हा कुटुंबियांचा विरोध आहे, असं देखील सांगितलं जात आहे. शिवाय अभिनेत्रीचे माना पहलाज निहलानी यांनी देखील अभिनेत्रीच्या लग्नाबद्दल मोठं वक्तव्य केलं आहे. ‘शत्रुघ्न सिन्हा लग्नात उपस्थित राहातील की नाही माहिती नाही. पण वडील मुलीवर किती दिवस नाराज राहू शकतील.’

दरम्यान अभिनेत्रीच्या भावाने देखील लग्नाला काही दिवस बाकी असताना सोशल मीडियावर एका क्रिप्टिक पोस्ट शेअर केली आहे. सोनाक्षी हिचा भाऊ लव याने त्याच्या बाकू ट्रिपचे फोटो इंस्टाग्रामवर शेअर केले आहेत. सोशल मीडिया अकाउंट पाहता तो बहीण सोनाक्षीला फॉलो करतो असे वाटत नाही.

पोस्टमध्ये अभिनेत्रीचा भाऊ म्हणाला, ‘वेळेनुसार समस्या अशी आहे की आपल्याकडे वेळ देखील पर्याप्त नसते…’ याआधी देखील लव याने बहिणीच्या लग्नावर मोठं वक्तव्य केलं आहे. अभिनेत्रीचा भाऊ म्हणाला, ‘‘मी सध्या मुंबईत नाही. माझं यासंबंधी काहीही घेणं-देणं नाही. यावर प्रतिक्रिया देण्याचा किंवा कोणत्याही प्रकारे अडकण्याचा माझा कोणताही हेतू नाही. मला रंगणाऱ्या चर्चांपासून दूर राहायचं आहे… असं अभिनेत्रीचा भाऊ म्हणाला. ज्यामुळे चाहत्यांना देखील धक्का बसला आहे.

अभिनेत्री सोनाक्षी सिन्हा आणि अभिनेता झहीर इक्बाल सध्या त्यांच्या लग्नामुळे चर्चेत आहेत. 19 जूनपासून दोघांच्या लग्नाआधीच्या विधींना सुरुवात होणार असल्याची माहिती मिळत आहे. तर 23 जून रोजी लग्न आहे. दोघांच्या लग्नाची पत्रिका देखील सोशल मीडियावर लीक झाली आहे.

पण दोघांच्या लग्नाबद्दल कुटुंबियांमध्ये नाराजी आहे, असं देखील सांगण्यात येत आहे. ‘आताची मुलं आई-वडिलांना काहीही सांगत नाही. त्यांची परवानगी घेत नाहीत फक्त निर्णय घेतात. मला देखील प्रतिक्षा आहे, की सोनाक्षी मला लग्नाबद्दल कधी सांगेल.’  असं शत्रुघ्न सिन्हा म्हणाले होते.