Ankita Lokhande : सुशांतच्या पुण्यतिथीच्या एक दिवस आधी अंकिता लोखंडेनं शेअर केला खास फोटो, लिहिलं ‘अंतरानं काही फरक पडत नाही कारण …’

मुंबई : अंकिता लोखंडेला (Ankita Lokhande) एकता कपूरच्या (Ekta Kapoor) ‘पवित्र रिश्ता’ या मालिकेतून खरी ओळख मिळाली. या मालिकेत सुशांतसिंह राजपूत अंकितासोबत झळकला होता. या मालिकेदरम्यान दोघंही एकमेकांच्या जवळ आले आणि प्रेमात पडले.

अंकितानं बॉलिवूडमध्येही डेब्यू केला आहे. कंगना रनौतसोबत ती मणिकर्णिका चित्रपटात दिसली होती. आजही सुशांत या जगात नाही, मात्र ती अजूनही वेगवेगळ्या प्रकारे सुशांतची आठवण करते. अशा परिस्थितीत सुशांतच्या मृत्यूला 1 वर्ष होण्यापूर्वी तिनं खास फोटो शेअर केला आहे.

अंकितानं शेअर केला फोटो

अंकितानं शेअर केलेल्या फोटोमध्ये ती समुद्राजवळ उभी असल्याचं दिसून येत आहे, ती लाल जॅकेट आणि लोअरमध्ये दिसत आहे. फोटोमध्ये बरंच ढगही आहे, असं दिसतंय की ती वातावरणाचा आनंद लुटत आहे. मात्र या फोटोसोबत दिलेल्या कॅप्शननं सर्वांचं लक्ष वेधून घेतलं आहे.

पाहा पोस्ट

फोटो शेअर करत, तिनं लिहिलं की ‘अंतरानं काही फरक पडत नाही, कारण दिवस संपेपर्यंत आपण सर्व एकाच आकाशाखाली आहोत.’ या पोस्टद्वारे तिनं सुशांतच्या चाहत्यांना एक खास संदेश दिला आहे. अंकिताच्या या पोस्टवर चाहते वेगळ्या पद्धतीनं कमेंट करत आहेत आणि फोटोलाही खूप पसंती देत ​​आहेत.

3 जून रोजी अंकितानं एक पोस्ट शेअर केली होती, तिनं पोस्ट करत सांगितलं की ती काही दिवस सोशल मीडियापासून दूर जात आहे. तिनं लिहिलं की हा निरोप नाही, ती पुन्हा तुम्हाला भेटेल. अंकिताच्या या पोस्टमुळे चाहते खूप नाराज झाले होते.

नुकतंच पवित्र रिश्ता या मालिकेला 12 वर्षे पूर्ण झाली आहेत, अशा परिस्थितीत अंकितानं थेट चॅटमध्ये सुशांतची आठवण केली होती. अंकितानं म्हटलं होतं की सुशांतशिवाय पवित्र संबंध अपूर्ण आहे, त्यादरम्यान ती खूप भावनिक दिसली. सुशांतच्या निधनानंतर तिनं उघडपणे सुशांतच्या बाजूनं बोलली होती सुशांतसिंह राजपूतनं 14 जून 2020 रोजी आत्महत्या केली होती.

संबंधित बातम्या

Haseen Dillruba Review : ‘हसीन दिलरुबा’चा ट्रेलर प्रदर्शित, सुंदर कथानक आणि हटके स्टारकास्टसह परफेक्ट मर्डर मिस्ट्री तुमच्या भेटीला…

Pratyusha Banerjee : मृत्यूच्या 5 वर्षांनंतर मोठी माहिती समोर, मुलाखत देत विकास गुप्तानं केला ‘हा’ खुलासा