‘तलाक’च्या घोषणेनंतर पुन्हा एकत्र दिसले आमिर-किरण, ‘लाल सिंह चड्ढा’च्या सेटवरचा स्मायलिंग फोटो चर्चेत!
बॉलिवूडचा ‘मिस्टर परफेक्शनिस्ट’ अर्थात अभिनेता आमिर खान (Aamir Khan) आणि किरण राव (Kiran Rao) घटस्फोटानंतरही एकमेकांसोबत काम करत आहेत.
मुंबई : बॉलिवूडचा ‘मिस्टर परफेक्शनिस्ट’ अर्थात अभिनेता आमिर खान (Aamir Khan) आणि किरण राव (Kiran Rao) घटस्फोटानंतरही एकमेकांसोबत काम करत आहेत. आमिरच्या ‘लालसिंग चड्ढा’ (Lal Singh Chaddha) या चित्रपटाद्वारे बॉलिवूडमध्ये पदार्पण करत असलेला, अभिनेता नागार्जुन अक्किनेनीचा मुलगा चैतन्य अक्केनेनीने चित्रपटाच्या सेटवरून एक फोटो शेअर केला आहे. हा फोटो सोशल मीडियावर खूप चर्चेत आला आहे (Aamir Khan And Kiran Rao seen Happy together on the set of Lal Singh Chaddha Naga Chaitanya share photo).
घटस्फोटाच्या घोषणेनंतर या दोघांचा हा पहिलाच फोटो असून, त्यात आमिर आणि किरण खूपच आनंदी दिसत आहेत. फोटो शेअर करताना चैतन्यने कॅप्शनमध्ये लिहिले आहे, “कृतज्ञ.”
पाहा पोस्ट :
Grateful #Bala #LaalSinghChaddha pic.twitter.com/hLidCDCcyf
— chaitanya akkineni (@chay_akkineni) July 9, 2021
पानी फाऊंडेशन आमच्या मुलासारखे!
यापूर्वी आमिर आणि किरणने आपल्या चाहत्यांसाठी एक व्हिडीओ संदेशही शेअर केला होता. दोघे या व्हिडीओमध्ये त्यांच्या विभक्ततेबद्दल बोलले आहेत. तसेच, व्हिडीओमध्ये ते एकमेकांचे हात पकडताना देखील दिसले. आमिरने या व्हिडीओमध्ये म्हटले आहे की, “तुम्ही लोकांना नक्कीच वाईट वाटले असेल, आवडले नसते, काहींना धक्का बसला असेल. आम्ही तुम्हाला फक्त इतकेच सांगू इच्छित आहोत की, आम्ही दोघे खूप आनंदी आहोत आणि आम्ही एक कुटुंब आहोत. बदल झाला आहे तो फक्त आमच्या नात्यात…पण आम्ही एकमेकांसोबत आहोत, म्हणून तुम्ही इतर काही विचार करू नका. पाणी फाऊंडेशन हे आमच्यासाठी आमच्या मुलासारखे आहे.
आमिर-किरण होते बॉलिवूडचे पॉवर कपल!
रीना दत्तापासून घटस्फोट घेतल्यानंतर आमिरने 2005 साली किरण रावशी लग्न केले होते. त्यांना आझाद नावाचा एक मुलगा आहे आणि तो दहा वर्षांचा आहे. आझाद यांचा जन्म सरोगसीद्वारे झाला होता. किरणला गर्भवती होण्यास अडचण आल्यामुळे या दोघांनी सरोगसीचा निर्णय घेतला, त्यानंतर आझादचा जन्म 2011मध्ये झाला. आमिर आणि किरण हे बॉलिवूडचे पॉवर कपल मानले जात होते. चित्रपट निर्मितीपासून पाणी फाउंडेशनपर्यंत ते एकत्र काम करत होते. आदर्श मानली जाणारी ही जोडी आता तुटलेली दिसत आहे. मात्र, यामागील कारण अद्याप समोर आलेले नाही.
आमिर खान आणि किरण राव यांचे पत्र
या सुंदर 15 वर्षांमध्ये आम्हाला एकत्रित आयुष्यभराचे अनुभव, आनंदाने जगता आलं. आमचं नातं केवळ विश्वास, आदर आणि प्रेम यावरच फुलले. आता आम्हाला आमच्या आयुष्यातील नवा अध्याय सुरू करायचा आहे. आम्ही आता फार काळासाठी पती-पत्नी असं न राहता, माता-पिता आणि कुटुंबाच्या रुपात राहू.
आम्ही काही काळापूर्वीच नियोजनपूर्वक वेगळं होण्याची सुरुवात केली होती. आता त्याला औपचारिक रुप दिल्यानं बरं वाटत आहे. विस्तारित कुटुंबाप्रमाणं आमचं जीवन वेगळं जगणार असलो, तरी महत्वाच्या प्रसंगात एकत्र असू.
आम्ही मुलगा आझादची जबाबदारी आई-वडील म्हणून पार पाडू, त्याचं पालन पोषण दोघेही सहकारी म्हणून करु. आम्ही चित्रपट, पाणी फाऊंडेशन आणि इतर प्रकल्पांमध्ये सहकारी म्हणून काम सुरु ठेवणार असून त्याबद्दल आम्ही भावूक आहोत.
आमच्या नात्यातील या निर्णयाला सातत्याने पाठिंबा आणि सहकार्य करणारे आमचे कुटुंबीय आणि मित्र यांनादेखील धन्यवाद देतो. कारण त्यांच्या पाठिंब्याशिवाय आम्ही सुरक्षितपणे या निर्णयापर्यंत पोहोचलो नसतो.
आम्हाला आमच्या शुभचिंतकांकडून शुभेच्छा आणि आशीर्वाद मिळण्याची आशा आहे. आमच्यासारखं तुम्हीही या घटस्फोटाकडे शेवट नव्हे तर नव्या प्रवासाची सुरुवात आहे, अशा दृष्टीने पाहाल! – आमिर खान आणि किरण राव
(Aamir Khan And Kiran Rao seen Happy together on the set of Lal Singh Chaddha Naga Chaitanya share photo)
