चार धाम यात्रेवरून परतल्यानंतर समंथा रमली नव्या छंदात, सोशल मीडियावर शेअर केले सुंदर फोटो…

Samantha Ruth Prabhu

मुंबई : साऊथ क्वीन-अभिनेत्री समंथा रुथ प्रभू (Samantha Ruth Prabhu) सध्या तिच्या करिअरवर लक्ष केंद्रित करत आहे. नागा चैतन्यपासून विभक्त झाल्यापासून समंथा स्वतःवर लक्ष केंद्रित करत आहे. नुकतीच ती तिच्या मैत्रिणीसोबत चार धाम यात्रेवरून परतली आहे. प्रवासातून परत आल्यानंतर समांथा एका नवीन छंदात रमली आहे. समंथाने आपला छंद अर्थात चित्रकला सुरू केली आहे.

चित्र काढताना सामंथाने सोशल मीडियावर शेअर केले आहे. फोटोमध्ये समंथा खूप आनंदी दिसत आहे. तिच्या हातात ब्रश असून, बाजूला भरपूर रंग ठेवले आहेत.

समांथाने शेअर केले फोटो

फोटो शेअर करताना समंथाने लिहिले की, अशा दिवसांपैकी एक दिवस जेव्हा तुम्हाला तुमचा आतला आवाज ऐकू येतो, जो तुम्ही पेंट करू शकत नाही. याचाच अर्थ असा की आता तुम्ही चित्र काढा आणि मग आवाज पुन्हा शांत होतो.

कठीण काळातून जात आहे समंथा

समांथाने नुकतेच पती नागा चैतन्यपासून वेगळे होण्याचा निर्णय घेतला आहे. त्याने सोशल मीडियावर पोस्ट शेअर करून चाहत्यांना याची माहिती दिली. समंथा आणि नागा वेगळे झाल्यामुळे चाहते खूप दुःखी झाले आहेत. नागापासून विभक्त झाल्यापासून समंथा स्वतःला हाताळण्याचा प्रयत्न करत आहे.

त्यांनी पोस्टमध्ये लिहिलेहोते की, आमच्या सर्व हितचिंतकांनो, खूप विचारविनिमयानंतर, सॅम आणि मी पती-पत्नी म्हणून आपले मार्ग वेगळे करण्याचा निर्णय घेतला आहे. आम्ही खूप भाग्यवान आहोत की, आमची मैत्री दहा वर्षांपेक्षा जास्त आहे जी आमच्या नात्याचा आधार होती. जी आमच्यामध्ये नेहमीच एक विशेष नाते ठेवेल. आम्ही आमच्या चाहत्यांना, माध्यमांना आणि हितचिंतकांना विनंती करतो की, या कठीण काळात आम्हाला साथ द्या आणि आम्हाला पुढे जाण्यासाठी प्रायव्हसी द्या. आपल्या सहकार्याबद्दल आपले आभार.

नागापासून विभक्त झाल्यानंतर समंथा मुंबईत शिफ्ट झाल्याच्या बातम्या समोर येऊ लागल्या. वृत्तांवर विश्वास ठेवला तर, तिने तिचा पहिला बॉलिवूड चित्रपट साईन केला आहे आणि लवकरच ती भव्य स्तरावर त्याची घोषणा करणार आहे. समंथाने नुकतेच साऊथचे दोन मोठे चित्रपटही साईन केले आहेत.

दोन मोठ्या चित्रपटांवर सायनिंग

समंथा सध्या तिच्या आगामी प्रोजेक्ट्सवर लक्ष केंद्रित करत आहे. तिने दोन मोठे चित्रपट साईन केले आहेत. प्रॉडक्शन हाऊसनेच सोशल मीडियावर समंथाचा फोटो शेअर करून ही घोषणा केली आहे. रिपोर्ट्सनुसार, समंथाचा हा चित्रपट दोन भाषांमध्ये रिलीज होणार आहे. हा चित्रपट तामिळ आणि तेलुगू भाषांमध्ये प्रदर्शित होणार आहे. शांतरुबन ज्ञानसेकरन या चित्रपटाद्वारे दिग्दर्शनात पदार्पण करणार आहेत. या चित्रपटाच्या उर्वरित स्टारकास्टची माहिती अद्याप देण्यात आलेली नाही.

वर्क फ्रंटबद्दल बोलायचे तर, समंथा शेवट वेब सीरीज ‘द फॅमिली मॅन 2’मध्ये दिसली होती. या मालिकेतील तिचा अभिनय सर्वांनाच आवडला होता. आता चाहते तिच्या बॉलिवूड पदार्पणाची आतुरतेने वाट पाहत आहेत.

हेही वाचा :

Aryan Khan Drugs Case | आर्यन खानला जामीन मिळणार? युक्तिवाद पूर्ण झाल्यानंतर दुपारी होणार सुनावणी

ऐश्वर्या रायपासून ते अजय देवगणपर्यंत, ‘या’ बॉलिवूडच्या कलाकारांच्या जाहिराती अडकल्या वादात!