Akshay Kumar | खिलाडी कुमार पोहोचला काश्मीरमध्ये, शाळेसाठी 1 कोटींची देणगी, सैनिकांसोबत जोरदार भांगडा!
बॉलिवूड अभिनेता अक्षय कुमार (Akshay Kumar) हा सध्या काश्मीरमध्ये पोहोचला आहे. गुरुवारी (17 जून) अक्षय कुमारने भारतीय सैन्य दलाच्या सैनिकांशी भेट घेतली आणि त्यांच्यासोबत भांगडा नृत्यही केले. या दरम्यान, अक्षयने काश्मीरमधील बांदीपोरा जिल्ह्यातील नीरू गावात शाळा बांधण्यासाठी एक कोटी रुपयांची देणगीही दिली आहे.
मुंबई : बॉलिवूड अभिनेता अक्षय कुमार (Akshay Kumar) हा सध्या काश्मीरमध्ये पोहोचला आहे. गुरुवारी (17 जून) अक्षय कुमारने भारतीय सैन्य दलाच्या सैनिकांशी भेट घेतली आणि त्यांच्यासोबत भांगडा नृत्यही केले. या दरम्यान, अक्षयने काश्मीरमधील बांदीपोरा जिल्ह्यातील नीरू गावात शाळा बांधण्यासाठी एक कोटी रुपयांची देणगीही दिली आहे. ऑनलाईन माध्यमांच्या वृत्तानुसार, आज दुपारी अक्षय कुमारने गुरेझ सेक्टरमधील नियंत्रण रेषेजवळील नीरू गावाला भेट दिली होती (Akshay Kumar reached in Kashmir donates 1 cr to build school in neeru village).
गावाला भेट दिल्यानंतर अक्षय कुमारने शाळेसाठी एक कोटी रुपये देण्याचे ठरवले. या दरम्यान अक्षयने नीरू गावातच सीमा सुरक्षा दलासह भारतीय सैन्य दलाच्या इतर सैनिकांची भेट घेऊन त्यांना प्रोत्साहन दिले. जवळच बीएसएफचे युनिटची पोस्ट आहे, तिथे अक्षयने भारतीय सैनिक आणि स्थानिक लोकांसह जोरदार भांगडाही केला.
बीएसएफ जवानांसह अक्षय कुमार
DG BSF Sh Rakesh Asthana paid floral tributes in a solemn wreath laying ceremony to Seema Praharis who made the supreme sacrifice in the line of duty. Actor Akshay Kumar also accompanied DG BSF & paid homage to the fallen braves. #JaiHind pic.twitter.com/4zu9BD1jLj
— BSF (@BSF_India) June 17, 2021
बीएसएफने आपल्या अधिकृत ट्विटर अकाऊंटवर अक्षय कुमार आणि बीएसएफचे डीजी राकेश अस्थाना यांचे काही फोटो शेअर करण्यात आले आहेत. या फोटोंमध्ये राकेश अस्थाना आणि अक्षय कुमार हे देशातील शूर सैनिकांना श्रद्धांजली वाहताना दिसत आहेत. हे फोटो शेअर करताना बीएसएफने कॅप्शनमध्ये लिहिले आहे – बीएसएफचे डीजी राकेश अस्थाना यांनी एका समारंभात सर्वोच्च बलिदान देणाऱ्या सीमा रक्षकांना पुष्पांजली वाहिली. यावेळी अभिनेता अक्षय कुमारही डीजी बीएसएफसमवेत हजर होते आणि वीर शहिदांना त्यांनी श्रद्धांजली वाहिली.
त्याचवेळी बीएसएफ काश्मीरच्या अधिकृत ट्विटर हँडलवरून एक व्हिडीओही पोस्ट करण्यात आला आहे. या व्हिडीओमध्ये आपण बीएसएफ जवानांनसह अक्षय कुमार पाहू शकता. त्यांनी अक्षय कुमारचे फुलांनी स्वागत केले. हा व्हिडीओ शेअर करताना बीएसएफ काश्मीरने लिहिले की, ‘देश स्वातंत्र्याच्या 75व्या वर्षी दाखल होत आहे आणि अक्षय कुमार पुन्हा एकदा सीमेचे रक्षण करणाऱ्या देशातील शूर सैनिकांना भेटायला आले आहेत.’
As the country is entering into the 75th year of Independence, @akshaykumar once again comes to meet the #bravehearts guarding the borders.
Here he arrives at one of the forward locations of @BSF_Kashmir on #LoC..@BSF_India @PMOIndia @HMOIndia pic.twitter.com/eI7wUj987s— BSF Kashmir (@BSF_Kashmir) June 17, 2021
अक्षय कुमारला पुन्हा एकदा भारतीय सैनिकांसोबत पाहून त्याचे चाहते खूप आनंदी झाले आहेत. अक्षयने नीरू गावातील शाळेच्या बांधकामासाठी दिलेल्या देणगीचेही चाहते कौतुक करत आहेत.
(Akshay Kumar reached in Kashmir donates 1 cr to build school in neeru village)
हेही वाचा :
PHOTO | कोरोना रुग्णांना मिळतेय विशेष हास्यथेरेपी! ‘महाराष्ट्राची हास्य जत्रा’चा अनोखा उपक्रम