Shah Rukh Khan | बाहुबली 2 ला मागे टाकत पठाणने मारली बाजी, शाहरुख खान याच्या चित्रपटाने तयार केला हा मोठा रेकाॅर्ड

मुंबई : शाहरुख खान (Shah Rukh Khan) याचा पठाण हा चित्रपट 25 जानेवारी रोजी रिलीज झालाय. या चित्रपटाला रिलीज होऊन आता 24 दिवस झाले आहेत. मात्र, अजूनही प्रेक्षकांमध्ये पठाण चित्रपटाबद्दल मोठी क्रेझ बघायला मिळत आहे. पठाण या चित्रपटाने ओपनिंग डेलाच अनेक रेकाॅर्ड हे आपल्या नावावर केले आहेत. जगभरातून पहिल्याच दिवशी पठाण या चित्रपटाने तब्बल 100 कोटीचे बाॅक्स आॅफिस कलेक्शन केले. शाहरुख खान याचा झिरो हा चित्रपट (Movie) फ्लाॅप गेल्यानंतर तो मोठ्या पडद्यापासून दूर गेला होता. शाहरुख खान याचे चाहते त्याच्या आगामी चित्रपटाची सातत्याने वाढ पाहात होते. शेवटी 25 जानेवारी रोजी शाहरुख खान याचा पठाण हा चित्रपट रिलीज झाला. या चित्रपटाने बाॅक्स आॅफिसवर धमाका केली. विशेष म्हणजे पठाण हा चित्रपट शाहरुख खान याच्या करिअरमधील सर्वाधिक कमाई करणारा चित्रपट ठरला आहे. पठाण (Pathaan) चित्रपटाच्या अगोदर आमिर खान आणि अक्षय कुमार यांचे चित्रपट बाॅक्स आॅफिसवर फ्लाॅप गेले होते. यामुळे शाहरुख खान याचा पठाण चित्रपट काय धमाका करतो, याकडे सर्वांच्या नजरा लागल्या होत्या.

पठाण हा चित्रपट रिलीज होण्याच्या अगोदर मोठ्या वादाला तोंड फुटले होते. पठाण चित्रपटातील गाणे बेशर्म रंग यामध्ये दीपिका पादुकोण हिने भगव्या रंगाची बिकिनी घातल्याने वाद सुरू होता. यावेळी अनेकांनी या चित्रपटावर बहिष्कार टाकण्याची थेट मागणी केली होती.

इतकेच नाही तर देशामध्ये अनेक ठिकाणी पठाण चित्रपटाच्या विरोधात आंदोलनेही करण्यात आली. या वादामध्ये शाहरुख खान किंवा चित्रपटातील संबंधित कोणत्याही व्यक्तीने काहीही भाष्य केले नाही. विशेष म्हणजे शाहरुख खान किंवा चित्रपटाच्या टिमने चित्रपटाचे प्रमोशनही केले नाही.

पठाण या चित्रपटाला आता रिलीज होऊन तब्बल 24 दिवस झाले असूनही अनेक रेकाॅर्ड हा चित्रपट आपल्या नावावर करताना दिसत आहे. विशेष म्हणजे रिपोर्टनुसार पठाण चित्रपटाने बाहुबली 2 चे रेकाॅर्ड तोडल्याचे सांगितले जात आहे. यापूर्वीही अनेक रेकाॅर्ड आपल्या नावावर पठाण या चित्रपटाने केले आहेत.

बाहुबली 2 या चित्रपटाचे एकूण कलेक्शन हे 510.99 कोटी रुपये होते. पठाण चित्रपटाने चार दिवसांपूर्वी ऑस्ट्रेलियातील बाहुबली 2 चा रेकॉर्ड मोडला आहे. SS राजामौलीच्या बाहुबली 2 ने ऑस्ट्रेलियात 25.71 कोटीचे कलेक्शन केले होते, तर पठाणने 25.77 कोटी कमावले आहे. पठाण चित्रपटाची हवा अजूनही बाॅक्स आॅफिसवर बघायला मिळत आहे.