मी माझ्या बापाचंही ऐकत नाही…बहिणीच्या पॉडकॉस्टवरच भडकली प्रसिद्ध अभिनेत्री; ते घडलं अन्…
आम्रपाली दुबे हे भोजपुरी फिल्मी इंडस्ट्रीतील मोठं नाव आहे. आम्रपाली भोजपुरीतील सुपरस्टार आहे. सतत कोणत्या ना कोणत्या कारनाने ती चर्चेत असते. नुकतीच ती बहीण आकांक्षा दुबेच्या पॉडकास्टला गेली होती. त्यावेळी तिने एका प्रश्नावर बोलताना अत्यंत तावातावाने उत्तर दिलं. त्यामुळे आकांक्षाही आवाक् झाली.
प्रसिद्ध भोजपुरी स्टार आम्रपाली दुबे गेल्या काही दिवसांपासून सतत चर्चेत आहे. आम्रपाली नुकतीच तिची बहीण आकांक्षा दुबेच्या पॉडकास्टला गेली होती. बहिणीच्या पॉडकास्टवर आम्रपालीने तिच्या आयुष्यातील माहीत नसलेल्या गोष्टी सांगितल्या. यावेळी आकांक्षाने आम्रपालीच्या जाडेपणावरही सवाल केला. त्यावेळी आम्रपाली चांगलीच भडकली. मला वजन कमी करायचं असेल तर माझ्या मनाने करेल. कुणाच्या सांगण्यावरून करणार नाही. मी माझ्या बापाचं ऐकत नाही. दुसरं कुणाचं का ऐकू? असा सवालच आम्रपालीने केला. आम्रपालीच्या या उत्तराने तिची बहीण आकांक्षाचा चेहरा चांगलाच पाहण्यासारखा झाला होता.
माझं वजन 100 किलो होतं. त्यावेळी मला बॉडी शेमिंगला सामोरे जावं लागलं. मी जाडी असल्याने मला चिडवलं जात होतं. तुला सुद्धा वजनामुळे अशा प्रकाराला सामोरे जावं लागलं का?, असा सवाल आकांक्षाने आम्रपालीला केला होता. त्यावर तिने हे उत्तर दिलं. बघ, मी माझ्या शरीरावर प्रचंड प्रेम करते. माझं हे शरीर मला अडचणीचं वाटत नाही. मला डायबिटीज नाही. मला थायरॉईडची समस्या नाही. मला आयुष्यात कोणताही त्रास होऊ नये म्हणून मला वजन कमी करायचं आहे, असं आम्रपाली म्हणाली.
मला फरक पडत नाही
एक अभिनेत्री म्हणून त्यांच्या पॅरामीटरमध्ये मी फिट बसत नाही असं कुणाला वाटत असेल तर मला त्याचा फरक पडत नाही. जी अभिनेत्री फिट बसते तिला कास्ट करा. काम करण्यासाठी मरायलाही तयार असलेले अनेक लोक इंडस्ट्रीत आहेत. मी त्यांचं मोठ्या मनाने स्वागत करते. त्या लोकांकडून काम करून घ्या. तुमच्या ब्युटी स्टँडर्डमध्ये बसणाऱ्या अनेक अनेक मुली आहेत. अनेक मुली इंडस्ट्रीत संघर्ष करत आहेत. कृपया त्यांना कास्ट करा. मला खरोखरच त्यांना काम करताना पाहायचं आहे, असंही आम्रपालीने सांगितलं.
पापा शो पाहणार आहेत…
मी अशीच आहे. मला जेवढं काम येतंय ते जगाने पाहिलंय. मी तेच काम करते आणि त्यावर फोकस करते. मला माझी बॉडी चेंज करायची असेल तर केवळ मला वाटतं म्हणून मी ते करेल. कुणाला वाटतं म्हणून नाही. कुणी ट्रोल केलं म्हणून नाही. तुम्हाला या बिझनेसमध्ये राहायचं असेल तर असं दिसावं लागेल, असं कुणी म्हणत असेल तर मी माझ्या बापाचंही ऐकत नाही. बाकीच्यांच काय ऐकणार?, असं ती म्हणाली. त्यावर, पापा शो पाहणार आहेत, असं आकांक्षाने मस्करीत म्हटलं. तेव्हा, पापाचं ऐकते. पण मी माझ्याबाबत एक गोष्टही बदलणार नाही, असं आम्रपाली हसत म्हणाली.
त्या कमेंट मी वाचल्या
मी माझ्या बॉडी शेमिंगशी डील केलंय. मी ते सर्व काही ऐकलंय. मी त्या कमेंट्स वाचल्या आहेत. अशा कमेंट करणाऱ्यांना मी ब्लॉक करत असते. कमेंट डीलिटही करते. माझे अनेक फॅन पेज आहेत. त्यावरून अशा कमेंट करणाऱ्यांना उत्तर दिलं जात आहे, असंही तिने सांगितलं.
कोई तुम्ही प्यार…
ज्या लोकांना तुम्ही आवडता, ते लोक तुम्हाला आहे तसंच स्वीकारतात, असं सांगतानाच आम्रपालीने यावेळी शाहरुख खानच्या मोहब्बते सिनेमातील डायलॉग ऐकवला. “कोई तुम्हें प्यार करे, तो तुम जैसे हो वैसे करे. कोई बदल कर प्यार करे तो वो प्यार नहीं, सौदा है.” असं ती म्हणाली.