बिग बॉस 18 सीजनच्या स्पर्धकाची यादी लीक, ही महिला राजकारणीही दिसणार? पाहा संपूर्ण यादी
Bigg Boss 18: बिग बॉस 18 च्या स्पर्धकांची यादी लिक झाली आहे. यंदाच्या सीजनमध्ये काही यूट्यूबर्स दिसणार आहेत. सलमान खानच्या या शोमध्ये कलाकार विरुद्ध सोशल मीडिया इन्फ्लुएंसर अशी स्पर्धा रंगू शकते. तर एका महिला राजकारणीचं नाव देखील चर्चेत आहे. कोण आहे ती खासदार महिला राजकारणी जाणून घ्या.
Bigg Boss : सलमान खानचा रिॲलिटी शो बिग बॉस 18 बद्दल आता उत्सुकता वाढली आहे. बिग बॉस ओटीटी 3 सीझन काही दिवसांपूर्वी संपलाय. आता चाहते बिग बॉस 18 ची आतुरतेने वाट पाहत आहेत. दरम्यान बिग बॉसची 16 स्पर्धकांची यादी लिक झाली आहे. सध्या बिग बॉस मराठी पण चांगलाच चर्चेत आहे. बिग बॉस मराठी सध्या अभिनेता रितेश देशमुख होस्ट करत आहे. त्यानंतर आता सलमान खान होस्ट करत असलेल्या बिग बॉसची उत्सुकता वाढली आहे. बिग बॉसच्या घरात कोणकोण स्पर्धक असणार याबाबत लोकांच्या मनात उत्सूकता आहे.
लिक झालेल्या यादीनुसार शोएब इब्राहिम, समीरा रेड्डी, कशिश कपूर, प्रभावशाली झैन सैफी, पूजा शर्मा, डॉली चायवाला, प्रभावशाली मिस्टर फैजू, अभिषेक मल्हान, सुजान खान आणि दलजीत कौर यांच्या नावांचाही समावेश आहे. बिग बॉस 18 मध्ये हे सर्व स्टार्स दिसणार असल्याची बातमी आहे. सलमान खानच्या बिग बॉसकडून याबाबत अजून कोणतीही पुष्टी झालेली नाही.
याशिवाय प्रसिद्ध बंगाली अभिनेत्री आणि राजकारणातही आपला ठसा उमटवणारी नुसरत जहाँ देखील यावेळी शोमध्ये सहभागी होऊ शकते. याशिवाय एलिस कौशिक, हर्ष बेनिवाल, सुरभी ज्योती, करण पटेल आणि सोमी अली यांचीही नावे यादीत आहेत.
बिग बॉस 18 ऑक्टोबरच्या पहिल्या आठवड्यात सुरू होण्याची शक्यता आहे. यामुळे, स्पर्धकांच्या यादीत बदल देखील दिसू शकतात आणि या यादीत पाहिलेले सर्व स्पर्धक शोमध्ये सहभागी होतील याची कोणतीही अधिकृत पुष्टी झालेली नाही. पण तरी देखील या लोकांची नावे सोशल मीडियावर चर्चेत आहेत.
बिग बॉस हा टीव्हीच्या लोकप्रिय रिॲलिटी शोपैकी एक आहे. चाहत्यांना हा शो टीव्हीवर पाहायला देखील आवडतो. बिग बॉस १८ च्या स्पर्धकांची नावे आश्चर्यचकित करत आहेत.
अभिनेत्री एलिस कौशिक, यूट्यूबर आणि अभिनेता हर्ष बेनिवाल, टीव्ही अभिनेत्री सुरभी ज्योती, करण पटेल आणि सोमी अली यांच्या नावांचा समावेश आहे.
