Jacqueline Fernandez | जॅकलिन फर्नांडिसच्या अडचणी काही कमी होईना, तब्बल इतके तास झाली चाैकशी…

मुंबई : सुकेश चंद्रशेखर (Sukesh Chandrasekhar) संबंधित 200 कोटींच्या मनी लाँड्रिंग प्रकरणात अडकलेल्या जॅकलिन फर्नांडिसची काल तब्बल सात तास चाैकशी करण्यात आलीये. दिल्ली पोलिसांच्या आर्थिक गुन्हे शाखेने ही चाैकशी केलीये. धक्कादायक बाब म्हणजे जॅकलिनला यावेळी तिसऱ्यांदा चाैकशीला बोलावले होते. गेल्या आठवड्यातच पिंकी इराणी आणि जॅकलिन फर्नांडिसची (Jacqueline Fernandez) याप्रकरणी समोरासमोर बसून चाैकशी करण्यात आली होती. त्यावेळी पिंकी आणि जॅकलिनने एकमेकींवर अत्यंत मोठे आरोप केले होते. पिंकी इराणी (Pinky Irani) ही सुकेश चंद्रशेखरची अत्यंत जवळची मैत्रिण असल्याचे सांगितले जातंय.

जॅकलिन फर्नांडिसची तब्बल इतके तास चाैकशी

चाैकशी दरम्यान जॅकलिन फर्नांडिसने हे कबुल केले आहे की, सुकेश चंद्रशेखरकडून तिला नेहमी महागड्या भेटवस्तू मिळायच्या. इतकेच नाही तर जॅकलिनने सुकेश चंद्रशेखरसोबत लग्न करण्याचे ठरवले होते. जॅकलिन फर्नांडिस आणि सुकेश चंद्रशेखरची जवळीक पाहता बाॅलिवूडमधील महत्वाच्या स्टारने अगोदरच जॅकलिनला सावधान देखील केले होते. मात्र, सुकेश चंद्रशेखरचे पूर्ण सत्य कळण्यास जॅकलिनला फार उशीर झाला.

जॅकलिन फर्नांडिसवर करण्यात आले मोठे आरोप

जॅकलिन फर्नांडिसला सातत्याने चाैकशीसाठी बोलावले जात आहे. काल जॅकलिनची तब्बल सात तास चाैकशी करण्यात आलीये. जॅकलिन फर्नांडिस सध्या अडचणीत सापडलीये. मात्र, असे असताना बाॅलिवूडमधील तिचे खास मित्र-मैत्रिण तिच्यापासून चार हात दूर राहणेच पसंत करत आहेत. जॅकलिन फर्नांडिसचा सलमान खान चांगला मित्र आहे. मात्र, सध्या सलमान देखील जॅकलिनच्या मदतीला धावून येत नाहीये.