डोक्यात कढई, छातीला डबे, कमरेला किसणी Rakhi Sawant चा विचित्र डान्स, सोशल मीडियावर धुमाकूळ!
राखी सावंतने तिच्या इन्स्टाग्रामला एक व्हीडिओ शेअर केलाय. ज्यात ती बेले डान्स करताना दिसतेय. डोक्यात कढई, हातात चमचा छातीला डबे आणि कमरेवर खिसणी लावत राखीने एक विचित्र डान्स व्हीडिओ इन्स्टाग्रामवर शेअर केला आहे. हा व्हीडिओ सध्या जोरदार व्हायरल झाला आहे.
मुंबई : राखी सावंत… बॉलिवूडमधलं असं नाव जिच्या नावासमोर केवळ व्हायरल हाच शब्द चपखल बसतो. राखी सावंत (Rakhi Sawant) बोलली, व्हायरल होतं. राखीने फोटो शेअर केला, व्हायरल होतो आणि राखीने एखादा व्हीडिओ सोशल मीडियावर शेअर केला मग तर तो वाऱ्याच्या वेगाने तुमच्या माझ्या मोबाईलपर्यंत पोहोचतो. आताही राखीने एक व्हीडिओ इन्स्टाग्रामवर (Rakhi Sawant Instagram ) शेअर केला आणि तो व्हायरल झाला. हा व्हीडिओ आहे राखीच्या डान्सचा. राखीने अंगाला भांडी चिकटवत डान्स केलाय. त्याचा व्हीडिओ तिच्या इन्स्टाग्रामवर शेअर केला.
राखीचा व्हायरल व्हीडिओ
राखी सावंतने तिच्या इन्स्टाग्रामला एक व्हीडिओ शेअर केलाय. ज्यात ती बेले डान्स करताना दिसतेय. डोक्यात कढई, हातात चमचा छातीला डबे आणि कमरेवर किसणी लावत राखीने एक विचित्र डान्स व्हीडिओ इन्स्टाग्रामवर शेअर केला आहे. या व्हीडिओत राखी म्हणते, “तुम्ही म्हणत असाल की हे मी काय घातलंय? तर हा व्हीडिओ बघा. तर मी तुम्हाला बेले डान्स शिकवणार आहे.” अंगावरची भांडी वाजवत तिने डान्स कसा करायचा हे सांगितलं आहे. विशेष म्हणजे तिने या व्हीडिओवर स्वत:च हसण्याच्या इमोजी शेअर केल्या आहेत.
नेटकरी काय म्हणतात?
नेटकऱ्यांनी राखीच्या या पोस्टवर कमेंट केल्या आहेत.” हा खरंच वेगळा प्राणी आहे. जगापेक्षा वेगळा”, असं एका नेटकऱ्याने म्हटलंय.
“वेडी झाली आहेस का?”, असं एका नेटकऱ्याने राखीला म्हटलंय. “ही काहीही करतेय. ही तर हद्द झाली”, असं दुसऱ्याने म्हटलंय. “तुला नेमकं झालंय काय?”, असं सवाल एका नेटकऱ्याने राखीला विचारलाय.
राखीचा आधी दाक्षिणात्य अभिनेता अल्लू अर्जुनच्या ‘पुष्पा’ चित्रपटातील ओ आन्टा वा गाण्यावरचा व्हिडीओ व्हायरल झाला होता. राखीने एका वेगळ्या अंदाजात या गाण्यावर डान्स केला होता.
संबंधित बातम्या