Hrithik Roshan | ॲक्शन सीन न करण्याचा सल्ला हृतिक रोशनला डाॅक्टरांनी ‘या’ कारणांमुळे दिला होता, वाचा सविस्तरपणे..

मुंबई : बॉलिवूडमधील अभिनेता हृतिक रोशन (Hrithik Roshan) त्यांच्या ‘विक्रम वेधा’ (Vikram Vedha) चित्रपटामुळे चर्चेत आहे. गेल्या अनेक दिवसांपासून हृतिकचे चाहते त्यांचा चित्रपटाची आतुरतेने वाट पाहात आहेत. हा चित्रपट 30 सप्टेंबर रोजी चित्रपटगृहात प्रदर्शित होणार आहे. चित्रपटाची तारीख जशी जवळ येते आहे तसे चित्रपटाचे अपडेट जाणून घेण्यासाठी चाहते उत्सुक आहेत. विक्रम वेधा बॉक्स ऑफिसवर (Box office) काय कमाल दाखवतो हे बघण्यासारखेच ठरणार आहे. हृतिक रोशनसोबत राधिका आपटे आणि सैफ अली खान या चित्रपटामध्ये महत्वाच्या भूमिकेत आहेत. नुकताच दिलेल्या एका मुलाखतीमध्ये हृतिक रोशनने अत्यंत मोठा खुलासा केलांय.

ॲक्शन हिरोला डाॅक्टरांनी दिला होता हा मोठा सल्ला

ॲक्शन हिरो म्हणून हृतिक रोशनने स्वत: ची एक वेगळी ओळख बाॅलिवूडमध्ये तयार केलीये. मात्र, नुकताच दिलेल्या एका मुलाखतीमध्ये हृतिक रोशनने एक मोठा खुलासा केलांय. हृतिक रोशन म्हणाला की, काही वर्षांपूर्वी डाॅक्टरांनी मला ॲक्शन सीन न करण्याचा सल्ला दिला होता. हृतिकची हेल्थ बघता डाॅक्टरांना असे वाटत होती की, हृतिकने जर चित्रपटांमध्ये ॲक्शन सीन केले तर तब्येतीच्या अनेक समस्या निर्माण होऊ शकतात.

हृतिक रोशनने चॅलेंज म्हणून सर्व स्विकारले

डाॅक्टरांनी दिलेल्या सल्लाने हृतिक रोशनला मोठा धक्काच बसला. बाॅलिवूडमध्ये जर तुम्हाला टिकायचे असेल तर ॲक्शन सीन केल्याशिवाय पर्याय नसल्याचे हृतिक रोशन म्हणाला. मग काय हृतिक रोशनने या सर्व गोष्टींकडे एक चॅलेंज म्हणून बघत आपल्या फिटनेसकडे पूर्ण लक्ष केंद्रित केले. इतकेच नाही तर हृतिकने यासाठी रात्रंदिवस मेहनत घेतली आणि आज ॲक्शन हिरो म्हणून स्वत: ची एक वेगळी ओळख निर्माण केली. हृतिक रोशन पुढे बोलताना म्हणाला की, खरोखरच आज माझ्या डाॅक्टरांना माझा अभिमान वाटतो.