जेनेलिया हिला रितेश देशमुख याने केली चित्रपटांमध्ये काम करण्यास मनाई?, अभिनेत्रीने केला हा मोठा खुलासा

मुंबई : बाॅलिवूड अभिनेता रितेश देशमुख आणि अभिनेत्री जेनेलिया देशमुख (Genelia Deshmukh) हे कायमच चर्चेत असतात. गेल्या काही वर्षांपासून बाॅलिवूड चित्रपटांपासून जेनेलिया देशमुख ही दूर आहे. मात्र, काही दिवसांपूर्वीच रितेश देशमुख (Riteish Deshmukh) आणि अभिनेत्री जेनेलिया देशमुख यांचा एक मराठी चित्रपट प्रेक्षकांच्या भेटीला आला. विशेष म्हणजे यांच्या या चित्रपटाला (Movie) प्रेक्षकांचा उदंड असा प्रतिसाद देखील मिळाला. मात्र, रितेश देशमुख याच्यासोबत लग्न केल्यानंतर जेनेलिया देशमुख ही फार काही चित्रपटांमध्ये काम करताना दिसली नाही. यामुळे गेल्या काही वर्षांपासून अनेक चर्चा या रंगताना दिसल्या.

जेनेलिया देशमुख ही चित्रपटांमध्ये जरी काम करत नसली तरीही ती सोशल मीडियावर कायमच सक्रिय असते. जेनेलिया देशमुख ही सोशल मीडियावर कायमच रिल्स, फोटो आणि व्हिडीओ शेअर करताना दिसते. विशेष म्हणजे सोशल मीडियावर जेनेलिया देशमुख हिची जबरदस्त अशी फॅन फाॅलोइंग देखील बघायला मिळते.

नुकताच जेनेलिया देशमुख आणि रितेश देशमुख हे करीना कपूर खान हिच्या चॅट शो What Women Want मध्ये सहभागी झाले होते. या शोमध्ये जेनेलिया देशमुख हिने मोठा खुलासा केला आहे. जेनेलिया देशमुख म्हणाली की, मी चित्रपटांमध्ये काम करत नसल्याने अनेकांनी मला विचारले की, रितेश देशमुख याने तुला चित्रपटांमध्ये काम करण्यास मनाई केलीये का?

पण मला हे नक्कीच सांगावे वाटते की, मला वाटले मी आता थोडा ब्रेक घ्यायला हवा म्हणून मी ब्रेक घेतला. मला रितेश देशमुख किंवा फॅमिलीपैकी कोणीच याबद्दल बोलत नाही. उलट हे सर्वजण मला सपोर्ट करतात. सर्वांना वाटते की, रितेश देशमुख यानेच मला चित्रपटांमध्ये काम करण्यास मनाई केलीये. मात्र, असे अजिबातच नाहीये.

रितेश देशमुख म्हणाला की, जेनेलिया हिला जे काही करायचे आहे, तो तिचा निर्णय आहे. मी तिला काय करायचं हे कधीच सांगणार नाही. ती माझ्या निर्णयांचा कायमच आदर करते. ती आता तीन चार चित्रपट करत आहे. मी तिला म्हणालो तू काम कर. मी मराठी चित्रपट बनवत आहे, त्यामध्ये तुला काम करायचे आहे. या चॅट शोमध्ये रितेश देशमुख आणि जेनेलिया यांनी काही मोठे खुलासे हे केले आहेत.