Bell Bottom Release: चाहत्यांसाठी आनंदाची बातमी, सिनेमागृहांमध्ये रिलीज होणार अक्षय कुमारचा ‘बेल बॉटम’!
आता काही राज्यांमध्ये 50 टक्के क्षमतेसह सिनेमागृह उघडण्याची अधिकृत परवानगी देण्यात आली आहे. मात्र अजूनही महाराष्ट्रात सिनेमा हॉल सुरू करण्याची परवानगी नाही. (Good news for fans, Akshay Kumar's 'Bell Bottom' movie to be released in cinemas!)
मुंबई : कोरोनामुळे सिनेमागृह अनेक दिवसांपासून बंद आहेत. ज्यामुळे चित्रपट निर्माते आणि चित्रपटगृहांच्या मालकांचे प्रचंड हाल होत आहेत. नुकतंच, दिल्ली प्रशासनाने 50 टक्के क्षमतेनं दिल्लीतील चित्रपटगृह पुन्हा सुरू करण्याचा निर्णय घेतला आहे, अशा परिस्थितीत चित्रपटगृहांमध्ये चित्रपटांच्या प्रदर्शनाच्या प्रतीक्षेत असलेल्या चित्रपट निर्मात्यांसाठी हा आनंदाचा क्षण आहे. अशा परिस्थितीत आता चित्रपट निर्माते आणि बिग बजेट चित्रपटांचे वितरक यांची सिनेमागृहात चित्रपट प्रदर्शित होण्याची अपेक्षा वाढली आहे. सुपरस्टार अक्षय कुमारचा ‘बेल बॉटम’ (Akshay Kumar) या चित्रपटाचा देखील या यादीमध्ये समावेश आहे.
‘बेल बॉटम’ सिनेमागृहात प्रदर्शित होणार…
आता काही राज्यांमध्ये 50 टक्के क्षमतेसह सिनेमागृह उघडण्याची अधिकृत परवानगी देण्यात आली आहे. मात्र अजूनही महाराष्ट्रात सिनेमा हॉल सुरू करण्याची परवानगी नाही. अशा परिस्थितीत आता महाराष्ट्रातही चित्रपटगृहे सुरू करण्याची परवानगी मिळाली तर बेल बॉटम लवकरच प्रदर्शित होईल.
50 टक्के क्षमतेनं सिनेमागृह पुन्हा सुरू करण्याच्या दिल्ली सरकारनं निर्णयावर नुकतेच महाराष्ट्रातील प्रमुख प्रदर्शन अक्षय राठी यांनी प्रतिक्रिया व्यक्त केली. आम्हाला खरोखर आशा आहे की हिंदी चित्रपटाचं होम स्टेट मानलं जाणारे महाराष्ट्र देखील सिनेमा हॉल सुरू करण्यास परवानगी देईल.राज्यातील सिनेमागृह मालकांना किमान भाकरी मिळवण्याचा अधिकार आहे.
ऑगस्टमध्ये मुंबईला परवानगी दिली गेली तर चित्रपटगृहं पुन्हा सुरु करता येतील. जर महाराष्ट्रात सिनेमा हॉल खुले झाले तर अक्षय कुमार स्टारर बेल बॉटम 15 ऑगस्टला रिलीज केला जाईल.
अक्षयनं केली होती घोषणा
काही काळापूर्वी अक्षय कुमारनं स्वत: चाहत्यांना माहिती दिली होती की बेल बॉटम चित्रपटगृहात प्रदर्शित होईल. अभिनेत्यानं सांगितलं आहे की बेल बेल्टमसाठी तुम्ही संयमानं वाट पाहिली होती, हा चित्रपट जगभरातील मोठ्या पडद्यावर येत आहे… 27 जुलै रोजी. अक्षयच्या या घोषणेमुळे चाहत्यांमध्ये आनंदाची लाट आली होती. अक्षयचा कोणताही चित्रपट अनेक दिवसांपासून चित्रपटगृहात प्रदर्शित झालेला नाही. अशा परिस्थितीत बेल बॉटम आता सिनेमागृहात प्रदर्शित होणार आहे.
संबंधित बातम्या
Photo : दाक्षिणात्य अभिनेत्री याशिका आनंदचा अपघात, तीन जण गंभीर जखमी तर एकाचा मृत्यू