Happy Birthday PM Narendra Modi | पंतप्रधान मोदी यांच्या आयुष्यावर आधारित ‘हे’ चित्रपट, प्रेक्षकांनीही दिलाय उदंड प्रतिसाद!

Narendra Modi

मुंबई : PM Modi Birthday Special : पंतप्रधान नरेंद्र मोदी (PM Narendra Modi) आज (17 सप्टेंबर) त्यांचा वाढदिवस साजरा करत आहेत. आज म्हणजेच 17 सप्टेंबर रोजी नरेंद्र मोदी यांचा 71 वा वाढदिवस आहे (PM Modi 71th Birthday). 1950 मध्ये गुजरातच्या वडनगर येथे जन्मलेले नरेंद्र दामोदरदास मोदी, आज जगभरात चर्चेत आहेत.

देशातील लोकांना पंतप्रधान मोदींचे काम खूप आवडते. पंतप्रधान मोदींच्या जीवनावर आधारित चित्रपट आणि वेब सीरीजही मनोरंजन विश्वात दाखल झाल्या आहेत. आज, आम्ही तुम्हाला पीएम मोदींच्या जीवनावर आधारित अशा चित्रपटांची आणि वेब सीरीजची ओळख करून देऊ.

पीएम नरेंद्र मोदी

2019 मध्ये प्रदर्शित झालेला ‘पीएम नरेंद्र मोदी’ हा चित्रपट खूप प्रसिद्ध झाला होता. तसे, त्यांच्या जीवनावर आधारित अनेक छोटे मोठे चित्रपट आणि माहितीपट आणि मालिका बनल्या आहेत. पण, अभिनेता विवेक ओबेरॉय अभिनीत ‘पीएम नरेंद्र मोदी’ हा सर्वात चर्चित चित्रपट होता. या चित्रपटाचे दिग्दर्शन ओमंग कुमार यांनी केले होते आणि त्याचे संवाद अनिरुद्ध चावला यांनी लिहिले होते.

मोदी

पंतप्रधान मोदींच्या जीवनावर आधारित ‘मोदी’ ही वेब सीरीजही सादर करण्यात आली होती. मनोरंजन प्लॅटफॉर्म इरोज नाऊने पंतप्रधान नरेंद्र मोदी यांच्या जीवनावर आधारित वेब सीरीज तयार केली होती. उमेश शुक्ला दिग्दर्शित ही सीरीज पंतप्रधान नरेंद्र मोदींच्या जीवनावर आधारित आहे. या मालिकेत नरेंद्र मोदी यांचा तरुणांपासून ते भारताचे पंतप्रधान होण्यापर्यंतचा प्रवास दाखवण्यात आला आहे. या सीरीजने खूप प्रसिद्धी मिळवली.

मोदी : जर्नी ऑफ ए कॉमन मॅन

‘मोदी: जर्नी ऑफ ए कॉमन मॅन’ मध्ये पीएम मोदींचे जीवन देखील सादर केले गेले. ही सीरीज मिहीर भूत आणि राधिका आनंद यांनी लिहिली आहे. यामध्ये मोदींच्या जीवनाचे वेगवेगळे टप्पे फैजल खान, आशिष शर्मा आणि महेश ठाकूर यांनी मांडले. या मालिकेचा प्रत्येक भाग 35 ते 40 मिनिटांचा आहे. या मालिकेसाठी आशिषने खूप मेहनत घेतली होती.

एक और नरेन

एक और नरेन या चित्रपटात अभिनेता गजेंद्र चौहान पीएम मोदींच्या भूमिकेत दिसणार आहेत. गजेंद्र चौहान यांनी आतापर्यंत अनेक चित्रपट आणि टीव्ही मालिकांमध्ये काम केले आहे, परंतु त्यांना महाभारताचे युधिष्ठिर म्हणून अधिक खरी ओळख मिळाली. या चित्रपटाचे दिग्दर्शक मिलन भौमिक म्हणाले की, ‘एक और नरेन’ चित्रपटाच्या कथेमध्ये दोन कथा असतील. या चित्रपटात लहानपणापासून पीएम होण्यापर्यंतचा प्रवास एका नवीन स्वरूपात सादर केला जाईल.

हेही वाचा :

Bigg Boss Marathi 3 |  कर्करोगावर यशस्वी मात, वेदना होत असतानाही ‘शो मस्ट गो ऑन’, ‘बिग बॉस मराठी 3’ धुरा सांभाळण्यास महेश मांजरेकर सज्ज!

KBC 13 | ‘केबीसी 13’च्या मंचावर ‘गोल्डन बॉय’ नीरज चोप्रा बनला पोलीस, अमिताभ बच्चन यांचा प्रसिद्ध डायलॉग ऐकवला हरयाणवी भाषेत!