Happy Birthday Rakul Preet Singh | राष्ट्रीय स्तरावरील गोल्फपटू म्हणूनही नावाजलीये रकुल प्रीत सिंह, आता बॉलिवूडमध्ये गाजवतेय नाव!
बॉलिवूड अभिनेत्री रकुल प्रीत सिंहचा (Rakul Preet Singh) जन्म 10 ऑक्टोबर 1990 रोजी नवी दिल्ली येथे झाला. या वर्षी रकुल तिचा 31 वा वाढदिवस साजरा करत आहे. मागील वर्षी रकुल प्रीत सिंह बॉलिवूडच्या ड्रग्स प्रकरणात तिचे नाव आल्यामुळे बरीच चर्चेत होती.
मुंबई : बॉलिवूड अभिनेत्री रकुल प्रीत सिंहचा (Rakul Preet Singh) जन्म 10 ऑक्टोबर 1990 रोजी नवी दिल्ली येथे झाला. या वर्षी रकुल तिचा 31 वा वाढदिवस साजरा करत आहे. मागील वर्षी रकुल प्रीत सिंह बॉलिवूडच्या ड्रग्स प्रकरणात तिचे नाव आल्यामुळे बरीच चर्चेत होती. अभिनेता सुशांत सिंह राजपूतच्या मृत्यूनंतर बॉलिवूडच्या ड्रग्स रॅकेटचा पर्दाफाश झाला आहे. ज्यात रकुल प्रीत सिंहचे नावही समाविष्ट आहे. याशिवाय, रकुलला तिच्या चित्रपटांमुळे देखील खूप चर्चा मिळते.
अभिनेत्री रकुल प्रीत सिंहने तेलुगु, तमिळ आणि कन्नड चित्रपट उद्योग तसेच बॉलिवूडमध्ये आपल्या उत्कृष्ट अभिनयाने लोकांच्या हृदयात एक वेगळे स्थान निर्माण केले आहे. रकुल प्रीत मूळची दिल्लीतील एका पंजाबी कुटुंबातील आहे. रकुल प्रीत सिंहच्या नावाची कथा देखील बरीच रोचक आहे. रकुलचे वडील राजेंद्र सिंह आणि आई कुलविंदर सिंह यांना त्यांच्या मुलीचे नाव त्यांच्या नावावरून असावे असे वाटत होते, म्हणून त्यांनी रकुल (राजेंद्र + कुलविंदर) असे दोघांच्या नावातील पहिले शब्द निवडले.
कॉलेजपासून मॉडेलिंगची आवड
रकुलने आपले शालेय शिक्षण आर्मी पब्लिक स्कूलमधून पूर्ण केले आणि नंतर दिल्ली विद्यापीठातून पुढील शिक्षण घेतले. रकुलचा नेहमीच अभिनयाकडे कल होता. कॉलेजच्या दिवसांपासून ती मॉडेलिंग करायची.
रकुल कॉलेजच्या दिवसांपासून खूप सक्रिय आहे. अभिनय मॉडेलिंग व्यतिरिक्त, तिला खेळांमध्ये देखील रस आहे. रकुल कॉलेज दरम्यान राष्ट्रीय स्तरावरील गोल्फ खेळाडू देखील राहिली आहे. तिने आपल्या कारकीर्दीची सुरुवात एक मॉडेल म्हणून केली होती. 2009 मध्ये रकुलने तिच्या अभिनय कारकिर्दीची सुरुवात कन्नड चित्रपट ‘गिल्ली’ पासून केली. यानंतर, 2011 मध्ये, तिने फेमिना मिस इंडिया स्पर्धेत भाग घेतला, ज्यात ती पाचव्या स्थानावर होती.
..आणि बॉलिवूडचे दरवाजे उघडले!
फेमिना मिस इंडिया स्पर्धेत भाग घेतल्यानंतर रकुल प्रीतसाठी हिंदी सिनेमाचे दरवाजे उघडले. अनेक तेलुगु चित्रपटांनंतर तिने दिव्या खोसला कुमार यांच्या ‘यारियां’ या चित्रपटातून बॉलिवूडमध्ये पदार्पण केले. तिचा हा चित्रपट बॉक्स ऑफिसवर सुपरहिट ठरला. या चित्रपटात हिमांश कोहली रकुल प्रीत सिंहसोबत दिसला होता.
रकुल प्रीतने तिच्या 10 वर्षांच्या कारकिर्दीत सुमारे 28 चित्रपटांमध्ये काम केले आहे. त्यापैकी सुमारे सहा बॉलिवूड चित्रपट आहेत. रकुल प्रीत 2019 मध्ये रिलीज झालेल्या ‘मरजावां’ चित्रपटात शेवटची दिसली होती. जरी ती या चित्रपटात साईड रोलमध्ये होती. याशिवाय त्याने अजय देवगणसोबत ‘दे दे प्यार दे’ चित्रपटात काम केले आहे. मिलाप झवेरीचा हा चित्रपट बॉक्स ऑफिसवर हिट ठरला होता.
हेही वाचा :
‘Squid Game’ तब्बल 10 वर्ष करावा लागला होता नकाराचा सामना, आता ठरतेय सर्वाधिक लोकप्रिय सीरीज!