Pankaj Tripathi | बायकॉट ट्रेंडवर पंकज त्रिपाठी म्हणाले की, मूल्यांकन करण्याची आवश्यकता…

मुंबई : गेल्या काही दिवसांपासून सोशल मीडियावर बायकॉटचा ट्रेंड (Boycott trend) बाॅलिवूड चित्रपटांच्याविरोधात सुरूयं. याचाच फटका आमिर खानच्या लाल सिंह चढ्डा, रणबीरच्या शमशेरा आणि अक्षय कुमारच्या रक्षाबंधन चित्रपटांना बसल्याचे बोलले जातंय. हे तिन्ही चित्रपट बाॅक्स आॅफिसवर (Box office) कमाल दाखू शकले नाहीयेत. यानंतर बायकॉटच्या ट्रेंडविरोधात बाॅलिवूडने एकत्र यावे, असे अनेकांनी म्हटले होते. यावर अर्जुन कपूरने तर कहरच केला होता आणि आम्ही अगोदरपासून शांत बसल्याने लोकांनी हे बायकॉटचे अति केल्याचे म्हटले. आता या बायकॉट ट्रेंडवर पंकज त्रिपाठी (Pankaj Tripathi) यांनीही मोठे भाष्य केले.

पंकज त्रिपाठी यांचे बायकॉटच्या ट्रेंडवर मोठे विधान…

पंकज त्रिपाठी बायकॉटच्या ट्रेंडवर बोलताना म्हणाले की, आपण काय बनवतो हे अत्यंत महत्वाचे आहे. आपण जे बनवले आहे त्याचे मूल्यांकन करण्याची नितांत गरज निर्माण झालीयं. बायकॉटच्या ट्रेंडचा परिणाम थेट चित्रपट व्यवसायावर झालायं. एखादा चित्रपट चालत नाही म्हणजे त्याला बायकॉट केले असेही म्हणणे चुकीचे आहे. कारण एखादा चित्रपट प्रेक्षकांना आवडला नाही तर ते चित्रपट पाहण्यासाठी जात नाहीत. आता फक्त मूल्यांकन करण्याची गरज असल्याचे पंकज त्रिपाठी यांनी म्हटले आहे.

खरोखरच मूल्यांकन करण्याची आवश्यकता

गेल्या काही दिवसांपासून सोशल मीडियावर बायकॉटचा ट्रेंड सुरूयं. यामुळे बाॅलिवूडच्या चित्रपटांना फटका बसत असल्याचा आरोप बाॅलिवूडमधून केला जातोयं. अनेकांनी तर बायकॉटच्या ट्रेंडविरोधात लढा देण्याचे आवाहन देखील केले. बायकॉटवर अनेक बाॅलिवूड कलाकारांनी भाष्य देखील केले. मात्र, आता पंकज त्रिपाठी यांनी केलेल्या भाष्यावर बाॅलिवूडमधून नेमक्या काय प्रतिक्रिया येतात हे बघण्यासारखे ठरणार आहे.