Ayushmann Khurrana | ‘डॉक्टर जी’ चित्रपटातील ओ स्वीटी स्वीटी गाण्याचा टीझर रिलीज…

मुंबई : बॉलिवूड अभिनेता आयुष्मान खुराना (Ayushmann Khurrana) पुन्हा एकदा चाहत्यांच्या मनावर राज्य करतोय. आयुष्मानचा ‘डॉक्टर जी’ (Doctor G) हा चित्रपट लवकरच प्रेक्षकांच्या भेटीला येतोय. या चित्रपटात आयुष्मान एका डॉक्टरच्या भूमिकेत दिसणार आहे. चित्रपटासंदर्भात (Movie) एक अत्यंत महत्वाची बातमी पुढे येतंय. विशेष म्हणजे ही आयुष्मानच्या चाहत्यांसाठी गूड न्यूज ठरणार आहे. डॉक्टर जी चित्रपटामध्ये आयुष्मान खुरानाने स्वत: एक गाणे गायले आहे. डॉक्टर जी चित्रपटातील ओ स्वीटी स्वीटी हे गाणे आयुष्मानने गायले आहे.

इथे पाहा आयुष्मानच्या गाण्याची झलक

काही दिवसांपूर्वीच डॉक्टर जी या चित्रपटाचा ट्रेलर रिलीज झाला होता. हा ट्रेलर चाहत्यांना प्रचंड आवडला असून सोशल मीडियवरही व्हायरल झाला होता. आता आयुष्मान खुरानाने ओ स्वीटी स्वीटी…या गाण्याची झलक शेअर केलीये. हे गाणे अप्रतिम गायले असून मनाला स्पर्श करत आहे.

या चित्रपटामध्ये आयुष्मान खुरानासोबत रकुल प्रीत सिंह देखील मुख्य भूमिकेत दिसणार आहे. या चित्रपटामध्ये आयुष्मान आणि रकुल प्रीतची रोमँटिक केमिस्ट्री प्रेक्षकांना बघायला मिळणार आहे. डॉक्टर जी चित्रपटाचे दिग्दर्शन विनीत जैन यांनी केले आहे. हा चित्रपट 14 ऑक्टोबरला चित्रपटगृहांमध्ये प्रदर्शित होणार आहे.

या चित्रपटामध्ये आयुष्मान खुराना आणि रकुल प्रीत सिंह दोघेही डॉक्टराच्या भूमिकेत दिसणार आहेत. चित्रपटाचा ट्रेलर रिलीज झाल्यापासून चाहते या चित्रपटाची आतुरतेने वाट पाहात आहेत. आयुष्मानने गायलेले पूर्ण गाणे देखील ऐकण्यासाठी प्रेक्षकांमध्ये उत्साह दिसत आहे. आता हा चित्रपट बाॅक्स आॅफिवर काय कमाल करतो हे बघण्यासारखे ठरेल.