Deepika Padukone: ‘तुला चांगल्या मेकअप आर्टिस्टची गरज’; ‘कान फिल्म फेस्टिव्हल’मधील लूकवरून दीपिका ट्रोल
यंदा कानमध्ये परीक्षकपदी बॉलिवूड अभिनेत्री दीपिका पदुकोणची (Deepika Padukone) निवड झाली आहे, त्यामुळे तिच्या खास लूकची चाहत्यांना उत्सुकता होती.
75व्या ‘कान फिल्म फेस्टिव्हल’ला सुरुवात झाली असून मंगळवारी संध्याकाळी या फेस्टिव्हलच्या रेड कार्पेटवरील लूक सोशल मीडियावर पोस्ट होऊ लागले. यंदा कानमध्ये परीक्षकपदी बॉलिवूड अभिनेत्री दीपिका पदुकोणची (Deepika Padukone ) निवड झाली आहे, त्यामुळे तिच्या खास लूकची चाहत्यांना उत्सुकता होती. मात्र दीपिकाने यावेळी चाहत्यांची निराशा केली.
प्रसिद्ध फॅशन डिझायरन सब्यसाची मुखर्जीने डिझाइन केलेली साडी तिने रेड कार्पेटसाठी नेसली होती. मात्र साडीवरील मेकअप नेटकऱ्यांना काही पसंत पडला नाही.
एवढी सुंदर साडी असताना त्यावर इतका भयंकर मेकअप का केलाय, असा प्रश्न नेटकऱ्यांनी विचारला आहे. काहींनी तिला चांगल्या मेकअप आर्टिस्टची गरज आहे, असंही म्हटलंय.
दीपिकाने रेड कार्पेटसाठी रेट्रो लूक करण्याचा प्रयत्न केला. मात्र हा प्रयत्न मेकअपच्या बाबतीत पुरता फसल्याचं दिसून येत आहे. तिच्या डोळ्यांवर काळ्या आयशॅडोवरून नेटकऱ्यांनी तिला ट्रोल करण्यास सुरुवात केली.
17 मे पासून कान फिल्म फेस्टिव्हलला सुरुवात झाली असून 28 मे रोजीच्या गाला सेरेमनीमध्ये परीक्षक विजेत्यांची नावं जाहीर करणार आहेत.