Katrina Kaif: 1 पोस्टसाठी 1 कोटी, सिनेमा जाहिरातींसाठी कतरिना घेते कोट्यवधी, संपत्तीचा आकडा थक्क करणारा…

अभिनेत्री कतरिना कैफ हिला आज कोणत्याच ओळखीची गरज नाही. कतरिना हिने करियची सुरुवात केली तेव्हा अभिनेत्रीचे अनेक सिनेमे फ्लॉप ठरले. पण अभिनेत्रीने मागे वळून पाहिलं नाही. अनेक हीट सिनेमे अभिनेत्रीने बॉलिवूडला दिले आणि बॉलिवूडच्या अव्वल अभिनेत्रींच्या यादीत स्वतःचं भक्कम स्थान निर्माण केलं. ‘नमस्ते लंडन’, ‘वेलकम’, ‘पार्टनर’, ‘रेस’, ‘सिंग इज किंग’, ‘राजनीति’, ‘जिंदगी ना मिलेगी दोबारा’, आणि ‘एक था टायगर’ यांसारख्या सिनेमांमध्ये दमदार भूमिका साकारत कतरिना हिने स्वतःची ओळख निर्माण केली. आज कतरिना कोट्यवधींची मालकीण आहे.

बॉलिवूडमधील सर्वात महागड्या अभिनेत्रींच्या यादीत अव्वल असलेली कतरिना कैफ आता एका सिनेमासाठी सुमारे 15 ते 20 कोटी रुपये मानधन घेते. मात्र, कॅटच्या कमाईचा स्रोत केवळ सिनेमाच नाही तर इतरही अनेक गोष्टी आहेत. कतरिना कैफची सोशल मीडियावर खूप तगडी फॅन फॉलोइंग आहे. इंस्टाग्रामवर अभिनेत्रीचे 8.2 मिलियन फॉलोअर्स आहेत.

रिपोर्टनुसार, कतरीना एक सोशल मीडियापोस्ट करण्यासाठी कंपनीकडून जवळपास 1 कोटी रुपये घेते. शिवाय आणखी एका रिपोर्टनुसार, एका जाहिरातीसाठी अभिनेत्री 6 कोटी रुपये घेते. कोणत्या कार्यक्रमात परफॉर्म करण्यासाठी अभिनेत्री 3.5 कोटी रुपयांचं मानधन घेते. कतरीनाने 2019 मध्ये एक कॉस्मेटिक ब्रँड देखील लँच केला आहे. तिच्या कॉस्मेटिक ब्रँडचं नाव ‘के ब्यूटी’ आहे.

कतरिना कैफ हिच्या संपत्तीबद्दल सांगायचं झालं तर, अभिनेत्रीकडे रिपोर्टनुसार 224 कोटी रुपये आहेत. आज कतरीना हिच्याकडे कोणत्याच गोष्टीची कमी नाही. अभिनेत्री मुंबई एका आलिशान घरात राहाते. शिवाय अभिनेत्री तिच्या खासगी आयुष्यामुळे देखील कायम चर्चेत असते.

कतरिना हिच्या खासगी आयुष्याबद्दल सांगायचं झालं तर, अभिनेता विकी कौशल याला अनेक वर्ष डेट केल्यानंतर दोघांनी लग्न करण्याचा निर्णय घेतला. सोशल मीडियावर देखील दोघे एकमेकांसोबत फोटो आणि व्हिडीओ पोस्ट करत प्रेम व्यक्त करत असतात. चाहत्यांना देखील विकी आणि कतरिना यांची जोडी प्रचंड आवडते.

सांगायचं झालं तर, कतरिना सोशल मीडियावर कायम सक्रिय असते. सोशल मीडियावर कतरिना हिच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असते. सध्या सर्वत्र कतरिना हिची चर्चा रंगली आहे.