हरभजन सिंह क्रिकेटनंतर अभिनय क्षेत्रात लावणार चौके-छक्के, पाहा ‘फ्रेंडशिप’ चित्रपटाचा टीझर!

मुंबई : टीम इंडियाचा दिग्गज क्रिकेटर हरभजन सिंहचा (Harbhajan Singh) आगामी फ्रेंडशिप (Friendship) चित्रपटाचे टीझर रिलीज झाले आहे. या टीझरमध्ये हरभजन जबरदस्त एंट्री मारताना दिसत आहे. हरभजन सिंहने त्याचा या तमिळ चित्रपटाचे टीझर सोशल मीडियावर शेअर केला आहे. टीझरमध्ये हरभजनचा जबरदस्त लूकमध्ये दिसत आहे. (Harbhajan Singh Teaser release of ‘Friendship’ movie)

टीझर बघितल्यानंतर आता चाहत्यांची उत्सुकता शिगेला पोहचली आहे. या चित्रपटात अॅक्शन सीन्स मोठ्या प्रमाणात दाखवण्यात येणार आहेत. हरभजनने ट्विटर अकाऊंटवर ‘फ्रेंडशिप’ चित्रपटाचा टीझर शेअर केला आहे. हा टीझर शेअर करत लिहिले आहे की, ‘शार्प, क्रिस्प, इंटेन्स.. माझा आगामी चित्रपट फ्रेंडशिपचा टीझर प्रदर्शित’ या चित्रपटाचा टीझर तीन भाषांमध्ये प्रदर्शित करण्यात आला आहे.

तमिळ, तेलुगू आणि हिंदी ‘फ्रेंडशिप’ या चित्रपटाचे दिग्दर्शन पॉल राज आणि सूर्या करत आहेत. यामध्ये अर्जुन आणि तमिळ ‘बिग बॉस’ फेम अभिनेत्री लोसलिया मारियानेसन ही अभिनेत्री दिसणार आहे. हा चित्रपट गेल्या वर्षी 7 ऑगस्ट रोजी प्रदर्शित होणार होता. मात्र, कोरोनामुळे चित्रपट रिलीज करता आला नव्हता.

हरभजन यापूर्वी बर्‍याचदा चित्रपटांमध्ये दिसला आहे. सलमान खान, प्रियांका चोप्रा आणि अक्षय कुमारचा चित्रपट मुझसे शादी करोगी या चित्रपटात दिसला होता. यानंतर तो पंजाबी चित्रपटांमध्येही दिसला आहे. हरभजनने 2016 मध्ये टी 20 आंतरराष्ट्रीय मॅच खेळला होता. त्यानंतर तो टीम इंडियाकडून खेळताना दिसला नाही. मात्र, तो आयपीएलमध्ये आपला शानदार खेळ खेळतो.

संबंधित बातम्या : 

कार्तिक आर्यनचा ‘धमाका’ चित्रपट नेटफ्लिक्सवर करणार धमाल, पाहा टीझर 

Bigg Boss : ज्यांना दिल्या शिव्या त्यांच्याच सोबत राखी सावंतची पार्टी, शो स्क्रिप्टेड असल्याची चर्चा!

श्रद्धा कपूरच्या स्लो मोशनमध्ये दिलखेचक अदा, डान्सचा VIDEO सोशल मीडियावर व्हायरल!

(Harbhajan Singh Teaser release of ‘Friendship’ movie)