हेमा मालिनी यांची लेक ईशा देओल हिने घटस्फोटावर सोडलं मौन! सांगितली मोठी गोष्ट

मुंबई | 16 फेब्रुवारी 2024 : दिग्गज अभिनेते धर्मेंद्र आणि अभिनेत्री हेमा मालिनी यांची लेक ईशा देओल हिचा 11 वर्षांचा संसार मोडला आहे. ईशा आणि पती भरत तख्तानी याला घटस्फोट दिला आहे. ईशा आणि भरत यांना दोन मुली आहेत. घटस्फोटानंतर खुद्द ईशा आणि भरत यांनी स्टेटमेंट जारी करत घटस्फोटाची माहिती चाहत्यांना दिली. ईशा देओल हिच्या घटस्फोटाची बातमी समोर आल्यानंतर चाहत्यांना देखील मोठा धक्का बसला आहे.

एका मुलाखतीत ईशा हिने भरत याच्यासोबत असलेल्या नात्याबद्दल मोठं वक्तव्य केलं आहे. अभिनेत्री म्हणाली, ‘मी जमनाबाई नरसी स्कूलमध्ये होती आणि भरत वांद्रे याठिकाणी लर्नर्स अकॅडमीमध्ये शिक्षण घेत होता. आम्ही एका कॅस्केड नावाच्या इन्टर-स्कून स्पर्धेक भाग घेतला होता. तेव्हा ईशा हिने टिशूच्या एका तुकड्यावर स्वतःचा फोन नंबर लिहिला आणि भरत याला दिला…’

पुढे अभिनेत्री म्हणाली, ‘तेव्हा फोनवर बोलणं फार कठिण होतं…. कॉलेजमध्ये देखील आम्ही एकत्र होतो…’ त्यानंतर 18 वर्षांची झाल्यानंतर ईशा हिने बॉलिवूडमध्ये पदार्पण केलं आणि भरत याच्यासोबत असलेलं अभिनेत्रीचं नातं संपलं. त्यानंतर जवळपास 10 वर्षांनंतर भरत – ईशा यांची पुन्हा भेट झाली.

अनेक वर्ष एकमेकांना डेट केल्यानंतर 2012 मध्ये ईशा – भरत यांनी इस्कॉन मंदिरात लग्न केलं. पारंपरिक पद्धतीत ईशा – भरत याचं लग्न झालं. ईशा – भरत यांना दोन मुली देखील आहे. त्यांच्या मुलींचं नाव राध्या आणि मिराया असं आहे.

ईशा – भरत यांचा घटस्फोट

ईशा आणि भरत यांनी परस्पर संमतीने हा निर्णय घेतला आहे. ईशा हिने दिलेल्या माहितीनुसार, ‘आम्ही दोघांनी परस्पर संमतीने विभक्त होण्याचा निर्णय घेतला आहे…हा निर्णय आमच्या मुलींसाठी फार महत्त्वाचा होता.’ एवढंच नाही तर, नाजूक काळात, ईशा आणि भरत यांनी गोपनीयतेचे आवाहनही केलं आहे. सध्या सर्वत्र फक्त आणि फक्त ईशा आणि भरत यांच्या घटस्फोटाच्या चर्चांनी जोर धरला आहे.

भरत तख्तानी याचे विवाहबाह्य संबंध…

भरत याचे परक्या महिलेसोबत विवाहबाह्य संबंध असल्याचा देखील दावा सोशल मीडिया युजरने केला आहे. एवढंच नाही तर, ईशा हिचा पती भरत याला न्यू इयरच्या दिवशी बेंगळुरू येथे एका पार्टीमध्ये स्पॉट करण्यात आलं होतं. तेव्हा भरत याची गर्लफ्रेंड देखील त्याठिकाणी होती असं सांगण्यात येत आहे.