सुझान खानच्या लग्नाबद्दल अखेर तिच्या आईने केला मोठा खुलासा, हृतिक रोशनची एक्स पत्नी 48 व्या वर्षी…
बॉलिवूड अभिनेता हृतिक रोशन हा नेहमीच चर्चेत असतो. हृतिक रोशनची सोशल मीडियावर जबरदस्त अशी फॅन फॉलोइंग बघायला मिळते. हृतिक रोशन हा सबा आझाद हिच्यासोबत लग्न करणार असल्याची चर्चा सातत्याने रंगताना दिसत आहे. हृतिक रोशन आणि सबा आझाद यांच्यावर जोरदार टीका होताना कायमच दिसते.
हृतिक रोशन याने त्याच्या आतापर्यंतच्या करिअरमध्ये अनेक हिट चित्रपटांमध्ये महत्वाच्या भूमिका केल्या आहेत. हृतिक रोशन त्याच्या खासगी आयुष्यामुळेही चर्चेत आहे. हृतिक रोशन हा गेल्या काही वर्षांपासून सबा आझाद हिला डेट करतोय. हृतिक रोशन आणि सबा नेहमीच एकसोबत स्पॉट होताना देखील दिसतात. दुसरीकडे हृतिक रोशनची एक्स पत्नी सुझान खान ही देखील अर्सलान गोनी याला डेट करतंय. मध्यंतरी चर्चा होती की, अर्सलान गोनी आणि सुझान खान हे लवकरच लग्न करणार आहेत. सतत यांच्या लग्नाची जोरदार चर्चा ही रंगताना दिसत आहे.
नुकताच सुझान खानच्या आईने लेकीच्या लग्नाबद्दल अत्यंत मोठा खुलासा केलाय. हेच नाही तर तिने अर्सलान गोनी याच्याबद्दलही भाष्य केले आहे. सुझान खानच्या आईला विचारण्यात आले की, सुझान अर्सलान गोनीसोबत लग्न करणार आहे का? सुझान खानची आई जरीन म्हणाली की, जर आज तुम्हाला कोणासोबत आनंद मिळत आहे तर तुम्ही खूप जास्त भाग्यशाली नक्कीच आहात.
मुळात म्हणजे कोणालाही माहिती नसते की, भविष्यात काय होणार ते. गेल्या अनेक वर्षांपासून हेच चालत आले आहे. आज आयुष्यात लग्न हेच महत्वाचे नाहीये. हॉलिवूड स्टार गोल्डी हॉन आणि कट रसेल गेल्या कित्येक वर्षांपासून रिलेशनशिपमध्ये आहेत आणि विशेष म्हणजे ते दोघे एकमेकांसोबत खुशही आहेत. पुढे सुझानची आई म्हणाली की, अर्सलान गोनी याने कायद्याचे शिक्षण घेतले आहे.
हेच नाही तर अर्सलान गोनी हा जम्मूच्या एका प्रतिष्ठित राजकिय घराण्याशी संबंधित आहे. त्याला अभिनय क्षेत्रामध्ये रस आहे. मला या गोष्टीचा प्रचंड आनंद आहे की, ते दोघे एकमेकांसोबत खूप जास्त खुश आहेत. अर्सलान गोनीचे कुटुंबिय खूप चांगले आहेत. थोडक्यात काय तर सुझान खानच्या आईने स्पष्ट केले की, लग्न हेच सर्वकाही नाहीये. दोघे एकमेकांसोबत आनंदी असल्याचे म्हटले.
म्हणजेच काय तर अर्सलान गोनी आणि सुझान खान हे लग्न करणार नाहीत. सुझान खान आणि हृतिक रोशन यांनी लग्नाच्या 13 वर्षांनंतर घटस्फोट घेण्याचा निर्णय घेतला. हृतिक रोशन आणि सुझान यांना दोन मुले देखील आहेत. हृतिक रोशन हा सबा आझादसोबत लग्न करणार असल्याची जोरदार चर्चा रंगताना दिसली. मात्र, हृतिक रोशन यानेही त्याच्या लग्नाबद्दल काहीच भाष्य केले नाहीये.