The Kapil Sharma Show : पुन्हा बंद होणार कपिल शर्मा शो? कधी प्रसारित होणार शेवटचा एपिसोड

मुंबई : आतापर्यंत छोट्या पदद्यावर अनेक कॅमेडी शो प्रसारित झाले. पण ‘द कपिल शर्मा शो’ (The Kapil Sharma Show) ने चाहत्यांच्या मनात राज्य केलं. असंख्य चाहते कपिलच्या विनोदबुद्धीचं कायम कौतुक करत असतात. सोशल मीडियावर देखील शोचे छोटे आणि जास्त विनोदी व्हिडीओ तुफान व्हायरल होत असतात. ‘द कपिल शर्मा शो’मुळे विनोदवीर कपिल शर्मा याला झगमगत्या विश्वात खरी ओळख मिळाली. कपिलच्या चाहत्यांची संख्या देखील फार मोठी आहे. कपिल गेल्या अनेक वर्षांपासून चाहत्यांना पोट धरुन हासवण्याचं काम करत आहे. आलेल्या थकव्यानंतर ‘द कपिल शर्मा शो’ पाहिल्यानंतर दिवसभरात आलेला तणाव कमी होतो. ‘द कपिल शर्मा शो’ कायम चाहत्यांमध्ये चर्चेत असतो.

टीव्ही विश्वातील सर्वात लोकप्रिय कॉमेडी शो ‘द कपिल शर्मा शो’चा तीसरा सीझन ऑफएयर झाल्यानंतर चाहते प्रचंड निराश झाले होते. पण २०२२ मध्ये शो पुन्हा नव्याने सुरु झाला. लवकरच कपिल शर्मा शोचा नवीन सीझन देखील बंद होऊ शकतो. अशी चर्चा जोर धरत आहे. कपिल द कपिल शर्मा शोच्या माध्यमातून लोकांना हसवण्यासाठी ओळखला जातो.

महत्त्वाचं म्हणजे ‘द कपिल शर्मा शो’ टीआरपीच्या यादीतही अव्वल आहे. या शोचे लाखो चाहते आहेत. त्यामुळे तुम्ही देखील ‘द कपिल शर्मा शो’चे चाहते असाल तर तुम्हाला देखील निराश कराणारी ही बातमी आहे. मिळालेल्या माहितीनुसार, ‘द कपिल शर्मा शो’च्या निर्मात्यांनी शो बंद करण्याचा निर्णय घेतला आहे. महत्त्वाचं म्हणजे निर्मात्यांनी एवढा मोठा निर्णय का घेतला याचं कारण अद्याप समोर येवू शकलेलं नाही.

जूनपर्यंत शोला निरोप देणार असल्याच्या चर्चांनी जोर धरला आहे. जर निर्मात्यांनी असं केलं तर वर्षाच्या मध्यापर्यंत ‘द कपिल शर्मा शो’ बंद होण्याची दाट शक्यता वर्तवण्यात येत आहे. ‘द कपिल शर्मा शो’बद्दल सांगायचं झालं तर, शोचा पहिला एपिसोड २३ एप्रिल २०१६ रोजी सुरु झाला होता. ज्यानंतर चार सीझन कपिलने त्याच्या सहकार्यांसोबत मिळून प्रेक्षकांचं मनोरंजन केलं.

सांगायचं झालं तर, ‘द कपिल शर्मा शो’ मध्ये सेलिब्रिटी सहभागी व्हायचे. शिवाय आगामी सिनेमाच्या प्रमोशनसाठी देखील सेलिब्रिटी हजेरी लावायचे. नुकताच अभिनेता सलमान खान त्याच्या ‘किसी का भाई किसी की जान’ या सिनेमाच्या प्रमोशनसाठी शोमध्ये होता. यावेळी त्याच्यासोबत पूजा हेगडे, शहनाज गिल, राघव जुयाल यांच्यासोबत इतर सेलिब्रिटी देखील उपस्थित होते.