अखेर तारीख ठरली…, अंकिता होणाऱ्या नवऱ्याबद्दल लवकरच करणार मोठा खुलासा

Ankita Walawalkar: सोशल मीडिया स्टार म्हणून अंकिता वालावलकर हिने चाहत्यांच्या मनावर राज्य केलं. कोकण कन्या अंकिता हिला ‘कोकण हार्टेड गर्ल’ म्हणून भरभरुन प्रेम मिळत आहे. सोशल मीडियावर अंकिताचे अनेक फोटो आणि व्हिडीओ व्हायरल होत असतात. अशात ‘बिग बॉस मराठी 5’ मुळे देखील अंकिता हिच्या लोकप्रियतेत मोठी वाढ झाली. अंकिता हिच्या चाहत्यांची संख्या दिवसागणिक वाढत आहे. त्यामुळे तिच्या खासगी आयुष्याबद्दल जाणून घेण्याची उत्सुकता देखील चाहत्यांच्या मनात शिगेला पोहचली आहे.

सांगायचं झालं तर, ‘बिग बॉस’च्या घरात प्रवेश करण्यापूर्वी अंकिता हिने लग्नबंधनात अडकणार असल्याची घोषणा केली होती. आता बिग बॉस संपल्यानंतर अंकिता हिला तिच्या होणाऱ्या नवऱ्याबद्दल चाहते विचारत आहे. अनेक चाहते तर अंकिता हिला सोशल मीडियावर मेसेज करून जोडीदाराबद्दल विचारत आहेत.

अंकिता हिने इन्स्टाग्राम स्टोरीवर एक स्क्रिनशॉट शेअर केला आहे. ज्यामध्ये एका चाहत्याने अंकिताला नवरा कोण असा प्रश्न विचारला आहे. ‘तुझा घो कोण आहे सांग ना… झालं आता बिग बॉस, मी खरंच जाणून घेण्यासाठी उत्साही आहे…’ यावर अभिनेत्रीने ’12 ऑक्टोबर’ असं उत्तर दिलं. म्हणजे अंकिता 12 ऑक्टोबर रोजी होणाऱ्या नवऱ्याबद्दल मोठा खुलासा करेल अशी दाट शक्यता वर्तवली जात आहे.

मिळालेल्या माहितीनुसार, अंकिता हिचा होणारा नवरा संगीत दिग्दर्शक असल्याचं तिने बिग बॉसमध्ये सांगितलं होतं. एका मुलाखतीत देखील अंकिताना होणाऱ्या नवऱ्याबद्दल मोठं वक्तव्य केलं होतं. ‘कोकण हार्टेड बॉय कोण आहे हे तुम्हाला लवकरच समजेल.. मी कोकणात लग्न करणार असून मुंबईत रिसेप्शन ठेवणार आहे…’ असं देखील अंकिता म्हणाली होती. सध्या सर्वत्र अंकिता हिच्या खासगी आयुष्याची चर्चा रंगली आहे.

अंकिता हिचा ‘बिग बॉस मराठी 5’ मधील प्रवास

अंकिता हिने बिग बॉसच्या माध्यमातून चाहत्यांचं भरभरुन मनोरंजन केलं. बिग बॉसच्या घरातील वाद, भांडणं, मैत्री, टास्क इत्यादी गोष्टीमुळे अंकिता चर्चेत आली आणि पाचव्या सीझनची चौथी रनर अप ठरली. तर विजेता सूरज चव्हाण ठरला.