जान्हवीच्या गळ्यातील लॉकेटने केले कन्फर्म, महाराष्ट्राच्या माजी मुख्यमंत्र्यांच्या नातूला करतेय डेट
अभिनेत्री जान्हवी कपूर सध्या तिच्या रिलेशनशिपमुळे चर्चेत आहे. ती माजी मुख्यमंत्र्यांच्या नातुला डेट करत असल्याची चर्चा आहे. जान्हवी कपूरने यावर कोणतीही प्रतिक्रिया दिली नसली तरी असे संकेत मिळत आहे की, ती त्याला डेट करतेय. तिच्या गळ्यातील लॉकेटमध्ये त्याचे नाव दिसले आहे.
janhvi kapoor : बॉलिवूड अभिनेत्री जान्हवी कपूर गेल्या अनेक दिवसांपासून महाराष्ट्राचे माजी मुख्यमंत्री सुशील कुमार शिंदे यांचा नातू उद्योगपती शिखर पहाडियाला डेट करत असल्याची चर्चा आहे. दोघेही अनेकदा एकत्र दिसले आहेत. जान्हवी कपूर अनेकदा शिखरसोबत धार्मिक स्थळांवर देखील दिसतेय. पण दोघांनीही उघडपणे अजून त्यांच्या नात्याची पुष्टी केली नव्हती. तसेच या बातम्यांवर देखील त्यांनी कोणतीही प्रतिक्रिया दिली नव्हती. आता जान्हवी कपूर ही खरंच शिखर पहाडियाला डेट करत असल्याचे संकेत मिळाले आहेत.
जान्हवीच्या गळ्यात कोणाचे लॉकेट
काल जान्हवी कपूरने तिचे वडील बोनी कपूर यांनी प्रोड्युस केलेल्या ‘मैदान’ चित्रपटाच्या स्क्रिनिंगला पोहोचली होती. यावेळी जान्हवी कपूर व्हाइट लूकमध्ये दिसली. पांढऱ्या पँटसह पांढरा ब्लेझर आणि मॅचिंग हील्स तिने घातली होती. अभिनेत्री या लूकमध्ये खूपच सुंदर दिसत होती. जान्हवीच्या लूकपेक्षा तिच्या गळ्यात असलेल्या चांदीच्या पेंडेंटने लोकांचे लक्ष वेधून घेतले. जान्हवीने गळ्यात घातलेला सानुकूलित नेकलेस तिच्या बॉयफ्रेंड शिखर पहाडियाचे टोपणनाव ‘शिकू’ असे लिहिलेले होते.
जान्हवी कपूरने आणि शिखर पहाडिया यांनी आपलं नातं अजून जाहीर केलं नसले तरी आता तिच्या गळ्यात शिखरच्या नावाच्या लॉकेटने त्यांच्या नात्यावर शिक्कामोर्तब केला आहे. जान्हवी कपूर आता प्रसिद्धीच्या झोतात आहे.
जान्हवीचे आगामी चित्रपट
जान्हवी कपूर ही आगामी काळात अनेक मोठ्या चित्रपटांमध्ये दिसणार आहे. ज्युनियर एनटीआरच्या ‘देवरा’ चित्रपटात ती दिसणार आहे. जान्हवी कपूर आणि ज्युनियर NTR यांचा ‘देवरा पार्ट 1’ 10 ऑक्टोबर 2024 रोजी तेलुगू, तमिळ, हिंदी, कन्नड आणि मल्याळम भाषेत प्रदर्शित होणार आहे. ‘देवरा’ चित्रपटात जान्हवी आणि एनटीआरसोबत सैफ अली खानही मुख्य भूमिकेत आहे. जान्हवीचा हा पहिला तेलगू चित्रपट आहे. त्यामुळे तिच्या चाहत्यांसाठी ही उत्सूकतेची बाब आहे. याशिवाय जान्हवी कपूर राम चरणच्या ‘आरसी 16’ या चित्रपटातही दिसणार आहे.
