Mahira Khan | ‘रईस’मधल्या शाहरुखच्या हिरोइनचं दुसरं लग्न; कोण आहे पती?
पाकिस्तानी अभिनेत्री माहिरा खान सध्या तिच्या दुसऱ्या लग्नामुळे चर्चेत आहे. माहिराने बिझनेसमन सलीम करीमशी दुसरं लग्न केलं. या लग्नाचा व्हिडीओ सोशल मीडियावर व्हायरल होत आहे. माहिराने 'रईस' या चित्रपटात शाहरुख खानसोबत मुख्य भूमिका साकारली होती.
शाहरुख खानसोबत 'रईस' या चित्रपटात मुख्य भूमिका साकारलेली पाकिस्तानी अभिनेत्री माहिरा खान नुकतीच लग्नबंधनात अडकली. रविवारी तिने बॉयफ्रेंड सलीम करीमशी लग्न केलं. माहिराचं हे दुसरं लग्न आहे.
माहिरा आणि सलीम यांच्या लग्नाचा व्हिडीओ सध्या सोशल मीडियावर व्हायरल होत आहे. माहिराचा पती सलीम हा फिल्म इंडस्ट्रीतला नाही. तो एक बिझनेसमन असून गेल्या पाच वर्षांपासून माहिराला डेट करतोय.
सलीम 'सिम्पैसा' नावाच्या एका प्रसिद्ध स्टार्ट अप कंपनीचा सीईओ आहे. ही कंपनी 15 पेत्रा जास्त देशांमध्ये विविध क्षेत्रातील मर्चंट्सना सुविधा प्राप्त करून देते. याशिवाय सलीम प्रोफेशनल डीजेसुद्धा आहे.
सलीम आणि माहिराची पहिली भेट एका इव्हेंटमध्ये झाली होती. 2020 मध्ये माहिराने माध्यमांसमोर तिच्या प्रेमाची जाहीर कबुली दिली होती. एका मुलाखतीत तिने सलीमला डेट करत असल्याचं म्हटलं होतं.
"हमसफरमधील एक ओळ मला खूप आवडते. जिथे अशर खिरदला म्हणतो, माझ्या कोणत्या चांगल्या कर्माच्या बदल्यात तू मला भेटलीस माहीत नाही. हाच विचार मला सलीमबद्दल येतो. मी माझ्या आयुष्यात नक्कीच काहीतरी चांगलं काम केलं असेन. म्हणूनच अल्लाहने त्याला माझ्याकडे पाठवलं", असं ती म्हणाली होती.